SATSE denuncia discriminación na campaña de vacinación galega: "Os enfermeiros somos primeira liña contra a Covid"

Desde o Sindicato de Enfermería sinalan que durante o proceso detectáronse nalgunhas áreas sanitarias distincións entre categorías profesionais a pesar de traballar no mesmo servizo e atoparse exposto aos mesmos riscos.

SATSE reclama ás sete xerencias que cumpran o plan de vacinación pactado e que se corrixan os “agravios comparativos observados”.

SATSE denuncia disciminación na vacinación ao persoal sanitario

Así, detallan que persoal de enfermería en unidades como quirófano, cirurxía, medicina interna ou partos non foron vacinados, segundo indica a secretaria autonómica do sindicato, Malules Carbajo, que esixe ás xerencias que garantan a protección ao persoal sanitario cando este atópase na primeira liña da fronte de batalla e con contacto continuo cos pacientes.

En SATSE recoñecen que existe nestes momento un certo “malestar” e así llo fixeron saber ás xerencias, que mesmo emendaron nalgúns casos os erros detectados.  

MÁIS PERSOAL

A todo isto, desde SATSE lembran a principal reivindicación que levan realizando desde hai xa moitos meses: falta persoal de enfermería. Unha carencia que se agrava a medida que crece o número de profesionais afectados polo coronavirus. En torno ao 35% do persoal contaxiado é de enfermería. “A Administración ten que garantir a seguridade dos seus traballadores, como é a súa obrigación”, sostén Carbajo.

“Toda baixa motivada por contraer a enfermidade supón, ademais dun grave prexuízo e risco severo para a saúde dos profesionais que están día a día en primeira liña, unha maior sobrecarga laboral para os seus compañeiros/as e unha peor atención aos pacientes”, destaca SATSE no seu comunicado, á vez que insiste en vacinar ao persoal que quedou atrás nesta segunda fase