Atrasadas as eleccións catalás pola subida do coronavirus ao 30 o maio

A pandemia provoca o cambio de data dos comicios cataláns, como xa sucedeu o ano pasado cos vascos e os galegos. Unha cita clave na que está en xogo a exigua maioría parlamentaria dos independentistas e, en consecuencia, tamén os complexos equilibrios de poder do goberno bipartito de Moncloa.

A reunión de partidos que se celebrou este venres no Parlament para decidir se se pospoñían as eleccións previstas para o 14 de febreiro terminou co consenso absoluto de que deben aprazarse e co acordo maioritario de que deben celebrarse o 30 de maio, segundo fontes parlamentarias.

O vicepresidente en funcións, Pere Aragonès, lanzou a proposta á mesa de pospoñelas a esa data, que foi ben acollida por JxCat, ERC, CUP E PP.

Os comuns cuestionaron a proposta inicial de Aragonès de celebralas en maio e pedíronlle unha data concreta, e, cando o vicepresidente en funcións trasladoulles a do 30 de maio, manifestáronlle que preferían facelas o 16 do mesmo mes.

Pola súa banda, os socialistas xa fixeran a súa proposta de celebrar os comicios 14 e 21 de marzo, e lonxe de posicionarse sobre a proposta de Aragonès fixeron fincapé en que estarán pendentes dos detalles técnicos do decreto de aprazamento.

Por último, o PDeCAT, que declinara valorar os posibles escenarios antes de reunirse a mesa, pero expresaran que avalarían unha proposta que xerase acordo entre JxCat e ERC, explicaron que preferisen celebrar antes os comicios, o 30 de abril ou a principios de maio.