O Congreso de EE.UU. ratifica a Biden a pesar dos asaltos do golpistas prol-Donald Trump (vídeos)

Aguantará Trump as dúas semanas que quedan como presidente tras a retificación do Senado e da Cámara de Representantes a Biden? Esta é unha das moitas incógnitas sen resolver sobre o futuro de Estados Unidos e, indirectamente, sobre a democracia en xeral. Van catro mortos polos disturbios de Washington. 

Nun comunicado, Trump inisiste en que gañou as eleccións pero promete unha transición sen incidentes. Tamén dá a entender que se presentará en 2024. A nota publicouna un dos seus subordinados, porque a conta de Trump en Twitter está bloqueada.

O Congreso de Estados Unidos ratificou este xoves a elección do demócrata Joe Biden como presidente nos comicios celebrados en novembro, tras ter que suspender varias horas a súa sesión despois de que partidarios do presidente, Donald Trump, asaltasen a sede lexislativa.

A decisión chegou pouco despois de que o Senado e a Cámara de Representantes rexeitasen as obxeccións presentadas por un pequeno número de republicanos acérrimos seguidores de Trump para tentar invalidar os votos electorais de Biden nos estados de Arizona e Pensilvania.

Biden e a súa compañeira de fórmula, Kamala Harris, lograron 306 votos no colexio electoral, 36 máis dos necesarios para obter a vitoria, aínda que Trump negouse a recoñecer a súa derrota e denunciou sen presentar probas que durante as eleccións produciuse unha fraude.

O aumento das tensións e a retórica de Trump desembocaron finalmente no asalto por parte dun grupo de seguidores contra o Capitolio durante a sesión para confirmar a vitoria de Biden, historicamente unha formalidade no país norteamericano.

Os incidentes saldáronse por agora con catro falecidos. Manifestantes prol-Trump atacaron mesmo a xornalistas:

Os manifestantes que entraron no Capitolio deixaron varias bombas incendiarias