A cepa británica máis contaxiosa de coronavirus é "compatible" coas análises de seis casos na Mariña

O SERGAS segue sen confirmar o a presenza desta variante en Lugo, como xa fixo en Santiago. Tampouco desvela onde hai outro caso sospeitoso da cepa británica, aínda que no CHUAC da Coruña houbo unha muller ingresada cuxos primeiros resultados e historial de viaxe tamén a facían compatible. 

Os seis casos de covid-19 da Mariña lucense son "compatibles" coa cepa británica, segundo fontes sanitarias consultadas por Europa Press.

Probas covid no hospital de Burela nunha foto de arquivo

Polo momento, o Servizo Galego de Saúde (Sergas) só confirmou un caso desta cepa nunha paciente da área sanitaria de Santiago procedente do Reino Unido.

Así o indicou o conselleiro de Sanidade, Julio García Comesaña, que ratificou que hai outro caso en estudo, ao que se suman os seis detectados na zona da Mariña lucense.

En relación a este último, precisou que trátase dun grupo familiar de cinco persoas de orixe inglesa, ademais dunha sexta persoa que é un contacto estreito. Tras realizarlles unha PCR, e dar positivo, estase á espera agora dun diagnóstico definitivo.