Récord de positivos no últimas tres semanas confirma alza do coronavirus en case toda Galicia

As últimas cifras certifican o contrataque da pandemia en Galicia. Empeoramento  xeneral, con todas as áreas sanitarias aumentando en casos activos. Ademais, seguen subindo as incidencias acumuladas. tras a paréntese de onte.

Así, hai 80 positivos por cada 100.000 galegos á semana, 11 máis que onte. Abrindo o plano a dúas semanas a incidencia acumulada é de 157, 2 máis que onte. Ambos os indicadores están á alza desde fai 4 ou 5 días. Non é pois un repunte puntual.

Os 380 novos diagnósticos comunicados hoxe é a peor cifra desde o 26 de novembro. 

TAXA DE POSITIVIDADE

A taxa de positividade é o indicador con mellor comportamento, grazas aos cribados masivos que fai o SERGAS en varias localidades como Redondela, Vigo ou empresas conserveiras do Barbanza. 

Ao aumentar a cantidade de PCR, máis de 9.000 onte, cae a taxa de positividade, sobre todo se esas probas fanse a asintomáticos en cribados xerais. Onte foi do 4,2%, que axuda a reducir a media galega ao 3,9%, o seu mellor rexistro desde principios de outubro.

CASOS ACTIVOS

A cantidade de enfermos sobe en todas as áreas sanitarias. A nivel galego son 55 e un 1% máis. Hai que remontarse ao 28 de outubro para atopar unha maior subida porcentual.  

A media semanal acusa estas cifras e pasa do -1% de onte ao -0,7% de hoxe. É dicir, de acordo á media semanal cada día aínda hai máis altas que curacións, pero a balanza está a inclinarse a favor do virus desde hai unha semana aproximádamente. De seguir así Galicia, pronto terá máis novos contaxiados que persoas curadas tamén de acordo á media semanal.

CONCLUSIÓNS

Con todos estes datos sobre a mesa, pódese concluír queM a nivel galego:

• o covid-19 leva varias xornadas gañando terreo
• o repunte prodúcese xusto despois do primeiro alivio xeral de restricións, o 5 de decembro
• o rebote é un cambio de tendencia significativo, pois o virus levaba en retirada desde polo menos mediados de novembro
• a virulencia do rebote non é por agora esaxerada, en comparación con repuntes pasados
• o problema xa non é só de certos municipios como Boiro ou Santiago, pois todas as áreas rebotan

En definitiva, un panorama preocupante a 9 días do comezo das vacacións estivais. Difícil o papel que lle toca ao Subcomité do SERGAS, que se reuniu onte e este mediodía informará das normas do Nadal. Por agora, volveu a confinar Santiago.

DATOS POR ÁREAS SANITARIAS

A área de Vigo é a que máis casos achega hoxe, con 116. Moi preocupante tamén a cifra da área compostelá, con máis de 100 positivos. 

Isto débese, polo menos en parte, aos rebrotes de diagnósticos en concellos como Vigo cidade, Santa Comba, Ribeira, Santiago, O Porriño ou Bueu, entre outros. Máis información detallada a nivel municipal e de área sobre o empeoramento do coronavirus nuns minutos en Galiciapress.

FALECEMENTOS

A Consellería de Sanidade comunicou este martes catro falecidos máis con coronavirus --todos con patoloxías previas--, de forma que o total de mortes en Galicia desde o inicio da pandemia elévase a 1.323. 

O repunte de contagios nos últimos días é aínda demasiado recente para deixarse ver no cómputo de decesos. De media, en decembro están a morrer uns 6 galegos con covid ao día, lixeira melloría sobre novembro, cando morrían unhas 9 persoas ao día. De seguir así, uns 90 galegos máis morrerán pola pandemia antes de fin de ano.