Covid por concellos: Vigo, Boiro e Ourense empeoran mentres melloran Coruña, Pontevedra e Narón
Pola contra, a melloría é notable nas comarcas de Bergantiños e na Coruña.A nivel municipal, comparando os positivos a 14 días de hoxe cos de onte, os que máis soben son Vigo (+18), Boiro (+15), Ourense (+10), Redondela (+7) , Ribeira (+6) e Barbadás (+5).O repunte na cidade de Ourense e a súa veciña Barbadás é quizais o máis relevante.
A análise xeográfica das últimas cifras do SERGAS confirma o repunte na área sanitaria de Santiago, debido en parte ao brote de Boiro e á subida hoxe de Ribeira. Pola contra, a melloría é notable nas comarcas de Bergantiños e na Coruña. A curva xeral de Galicia está practicamente plana.
A nivel municipal, comparando os positivos a 14 días de hoxe cos de onte, os que máis soben son Vigo (+18), Boiro (+15), Ourense (+10), Redondela (+7) , Ribeira (+6) e Barbadás (+5).
O repunte na cidade de Ourense e a súa veciña Barbadás é quizais o máis relevante. Non cuantitativamente, pois Vigo e Boiro empeoran máis; pero si desde o punto de vista temporal. O rebote ourensán sucede unha semana despois de que o SERGAS levantase o confinamento e o peche da hostalería na 'améndoa' de Ourense.
Son cifras que poden influír nas decisións que en cuestión de horas tomará o Subcomité Clínico da Xunta. Os expertos decidirán se proseguir coa relaxación das restricións.
BOIRO SEGUE CON PROBLEMAS
Respecto ao foco de Boiro, última localidade confinada perimetralmente, as boas noticias é que parece perder algo forza.
Hoxe son 15 positivos máis, pero onte foron 24 e antonte 19. As malas noticias é que a incidencia acumulada por 100.000 habitantes sobe por encima dos 1.000, cando en Galicia anda por 153.
É dicir, Boiro ten máis de seis veces incidencia que a media galega. Ademais, algúns municipios próximos empezan a repuntar, caso hoxe de Ribeira.
As mellores noticias chegan hoxe da Coruña, con 21 positivos menos a 14 días no cómputo de hoxe respecto ao de onte. Tamén caen significativamente Muxía (-10), Narón (-9), Carballo (-7) e Pontevedra (-7). Chama a atención o dato de Narón, dado que onte agravouse o foco nunha das súas residencias.
É curioso o caso de Moaña. A pesar de que o SERGAS anunciou un macrocribado alí, con máis de 20.000 persoas convidadas, as súas cifras non aparentan ser malas. De feito no que levamos de semana perdeu 11 positivos e hoxe queda igual que onte.
Peores son as cifras da próxima Redondela, que hoxe ten 7 positivos máis e que segue en risco extremo, con máis de 250 positivos por cada 100.000 habitantes en dúas semanas; mentres que Moaña está mellor, en risco alto, con entre 150 e 250 e sen subidas relevantes esta semana.
DATOS POR ÁREAS SANITARIAS
A nivel de área sanitaria, os repuntes de Boiro e Ribeira déixanse notar nos datos da área sanitaria de Santiago. Así, aínda que a capital queda igual que onte, a área sanitaria sobe por segunda xornada seguida, de 817 a 824 casos activos.
Os casos de Ourense cidade e Barbadás contribúen a torcer a excelente curva da área sanitaria. Os seus casos activos levaban caendo case interrupción desde mediados de novembro, hoxe soben en 19.
Das sete áreas sanitarias, hai dúas nas que sobe o número de contaxiados de covid-19 nestes momentos. En concreto, son Santiago-Barbanza, con 824 enfermos (+7); e Ourense-Verín-O Barco, con 383 (+19).
En canto ao resto, a área de Vigo é a que continúa acumulando máis casos activos, cun total de 1.401, pero significa unha baixada de 24. Tamén descenderon na Coruña, ata os 1.093 --53 menos--.
En Pontevedra-O Salnés, hai este venres 839 pacientes de covid (-17); en Ferrol, hai 571 (-20); e en Lugo-A Cariña-Monforte, 571 (-20).
POSITIVIDADE POR ÁREAS
Respecto a a positividade por áreas sanitarias, hai tres que onte estiveron por baixo do limiar do 5% : Lugo (2,7%), Ourense (3,2%) e A Coruña (4,1%). Mentres tanto, situáronse por encima Ferrol (6%), Santiago (6,5%), Vigo (7,8%) e Pontevedra (9,1%).
O mapa de restricións é o mesmo que onte. Con todo, á súa vixencia pódenlle quedar horas, pois o Subcomité Clínico que o actualiza se reune esta mañá.
Escribe o teu comentario