Hard Gz supera o millón de reproducións en 10 meses con "Cambios"

2020 supuxo un salto adiante para o rapero galego Pedro Ruibal Iglesias. Hard Gz consolidouse como un dos referentes da gran fornada do hip hop actual en España grazas ao éxito dos seus dous discos, o asinado co seu alter ego habitual, Sempre, e o asinado polo seu  máscara menos urbana, Lil Gz, Harakiri.

Exemplo recente da súa popularidade é o máis de millón de reproducións que acumula en Youtube o vídeo de "Cambios", unha das cancións de Sempre. Filmado nunha azotea de Barcelona, o MC dá unha volta de porca ao seu son, máis melódico e orgánico, da man dos produtores cataláns Lupita's Friends: 

En Spotify "Cambios", coa súa mestura de crítica social e reivindicación persoal,  suma máis de 1,8 millóns de reproducións. Non é de nin de lonxe o tema máis popular do letrista. "Cae a noite" anda xa por encima dos 17 millóns de reproducións, claro que esa canción leva dispoñible dous anos: 

Sen dúbida son tempos de cambios para o rapero. Entre outros, a mudanza, parece que definitiva, de Galicia a Barcelona e a saída da Utopía do Norte, o colectivo artístico da Coruña do que foi confundador e no que deu os seus primeiros pasos. 

"A Utopía non se vende, nós comprámosche" cantaba por entón na mítica "Pose" que xa roza os 7 millóns de reproducións:

Hard Gz grava agora para un dos grandes selos musicais, BMG, parte de Sony. Outro exemplo das portas que están a derrubar os mozos MCs, a pesar de  a súa anecdótica presenza na maioría de grandes medios e seguir sendo ignorados por rádioas-fórmulas musicais.