A subida de positivos de coronavirus de hoxe non trunca a melloría xeral do coronavirus en Galicia
Sitúase en 207 positivos por cada 100.000 galegos cada 14 días, o menor valor desde o 23 de outubro.Esta mellora sucede a pesar de que os 350 diagnósticos coñecidos hoxe son máis que os 328 de onte.
As últimas cifras afianzan a retirada da pandemia en Galicia pese ao repunte de positivos. E é que as medias semanais seguen á baixa, tanto en incidencia acumulada como en porcentaxe de test positivos.
Así, a incidencia acumulada a 7 días descende a 83 positivos por cada 100.000 galegos. Leva á baixa sen interrupcións desde o 24 de novembro. O descenso de hoxe, con todo, é dos máis pequenos.
Ampliando o foco a dúas semanas, vemos que a incidencia acumulada segue caendo. Sitúase en 207 positivos por cada 100.000 galegos cada 14 días, o menor valor desde o 23 de outubro.
Esta mellora sucede a pesar de que os 350 diagnósticos coñecidos hoxe son máis que os 328 de onte. Con todo, o pasado xoves foron 465.
En definitiva, a tendencia galega de cantidade de positivos segue por bo camiño. Tamén a taxa de positividade, a pesar de que o resultado de hoxe, 5,6% é o peor nunha semana. Aínda así, a media semanal descende ao 5,03%, chegando case ao ansiado 5%, límite que a OMS estima para poder considerar un foco en vías de control.
Mellora visible tamén no número de enfermos. Sonos 7.419 son 110 menos menos que onte. Un descenso do -1,6% que empuxa a media semanal a unha caída diaria do -2,1%, o mellor resgistro desde a derrota da primeira onda.
Por áreas sanitarias, case todas suman máis positivos hoxe que onte. Vigo segue sendo a que máis achega, con 100, case un terzo dos 350 totais de Galicia. Repunte considerable na área de Santaigo, con 55 positivos máis.
Escribe o teu comentario