O rebote de positivos hoxe confirma que as restricións só lograron estancar o coronavirus en Galicia

As últimas cifras do coronavirus en Galicia supoñen un paso atrás na lenta melloría deste novembro. Os novos positivos, 525, non son só máis que os de onte, tamén máis que os do mércores pasado. A taxa de positividade de onte tamén é mala. A mellor noticia dos números de hoxe está nos hospitais, co menor número de ingresados en case todo o mes.

Así, a incidencia acumulada sobe a 131 diagnósticos por 100.000 galegos á semana, un máis que onte.  Abrindo o foco a dúas semana, tamén se interrompe a melloría, aínda que só por unhas décimas. Pasa de 264,1 a 264,5. É un rebote moi pequeno pero significativo por inusual. Desde o 5 de novembro a incidencia acumulada a 14 días caía. Hoxe non.

A taxa de positividade tamén está á alza. A súa media móbil semanal ascende a 7,6%, a maior porcentaxe en dúas semanas. Isto débese en parte a que o SERGAS empezou a realizar menos test desde mediados de novembro. Por entón alcanzou os agora 7.800, agora a media anda nos 6600, onte foron uns 6.700. 

Os indicios de estancamento da melloría tamén se notan no cómputo de casos activos. Os 8.638 infectados supoñen un aumento do 0,2% respecto onte. Analizando a media móbil semanal, que representa mellor a tendencia, vemos que a mellora está empantanada. Levamos catro xornadas seguidas nun -0,7%. 

En definitiva, estamos ante certo estancamento no descenso da enfermidade, que con pequenas variacións á alza ou á baixa,  leva atascada case dúas semanas. 

Parece que o endurecemiento das medidas para partir da ponte de Todos os Santos contribuíu a frear a peligrosísima aceleración do virus, o que non é pouco.

Con todo, non conseguiron reducir o índice de contaxio moito máis alá de 1.  De feito, segundo calcula o Ministerio de Sanidade está no 0,99. Imos, que por cada contaxiado diagnosticado aparece outra persoa que tamén dá positivo. Non é a situación ideal, dado que sabemos que aínda hai casos que, debido á súa natureza asintomática, escórrense entre as redes do SERGAS.

Quizais poida deberse a que as restricións non foron tan duras en todos os lugares.  Aínda onte a Xunta viuse obrigada a endurecelas en Moaña e está a piques de facelo tamén noutras vilas como A Rúa. 

DATOS POR ÁREAS SANITARIAS

A evolución por áreas sanitarias é, ademais, moi dispar. As dúas con restricións máis temperás, Ourense e Santiago, son as que mellor comportamento teñen. Outras, como Vigo, non acaban de endereitar o seu ritmo.

Para mostra, os números de hoxe. Vigo achega case a metade dos novos diagnósticos, 246 positivos de 521 de toda Galicia. 

A área sanitaria olívica, confirmáronse 246 novos casos confirmados con PCR, fronte aos 43 detectados o día anterior; de maneira que o número de casos activos ascende de 2.209 a 2.293.

Na área da Coruña e Cee tamén aumentaron os casos, aínda que non de forma tan acusada. Así, o número de persoas con COVID pasou de 1.759 a 1.766, e nas últimas 24 horas detectáronse 100 casos novos (fronte aos 53 novos contagios detectados por PCR o día anterior).

Na área de Ourense, Verín e Valdeorras, notificouse unha lixeira subida no número de novos casos (de 21 a 27 contagios detectados), aínda que baixan os casos activos, de 627 a 608.

No resto de áreas sanitarias de Galicia descenden tanto o número de novos contagios como o total de casos activos. Así, na área de Pontevedra e O Salnés, hai 1218 casos activos de COVID (17 menos) e detectáronse 48 contagios (22 menos que o día anterior).

Na área sanitaria de Ferrol, hai 689 casos activos (8 menos) e confirmáronse 19 novos contagios (9 menos); na área de Santiago e Barbanza, hai 962 casos activos (20 menos) e detectáronse por PCR 44 novos contagios (8 menos); e na área de Lugo, Monforte e A Mariña os casos activos han baixado a 1.102 (6 menos) e detectáronse 37 contagios (23 menos). 

Por áreas, practicamente todas manteñen unha porcentaxe de positividade en PCR por encima do límite marcado pola OMS, con Vigo á cabeza. Así, na área de Vigo o índice de positividade en PCR é do 11 % (algo máis de dous puntos superior ao día anterior); seguida da área de Pontevedra, onde o índice é do 9,1 % (aínda que baixa máis de tres puntos).

Na área da Coruña 7,3 de cada 100 PCR son positivas (case dous puntos menos); na área de Lugo o índice é do 6,9 % (sobe un punto); en Santiago sobe lixeiramente ata o 6,8 %; e as áreas de Ourense (cun 5 %) e Ferrol (cun 4,8 %) son as que teñen menor índice de positividade en PCR.  

NIVEL MEDIO DE ALERTA SEGUNDO O SEMÁFORO ESTATAL

Con estes indicadores, Galicia non mellora a súa posición no semáforo estatal

BLOQUE I: Avaliación do nivel de transmisión

Incidencia acumulada de casos diagnosticados en 14 días: risco extremo

Incidencia acumulada de casos diagnosticados en 7 días: risco extremo

Incidencia acumulada de casos de máis de 65 anos diagnosticados en 14 días: Incidencia acumulada de casos de máis de 65 anos diagnosticados en 14 días: risco extremo (A Coruña risco extremo, Lugo risco extremo, Pontevedra risco extremo, Ourense risco alto)

Incidencia acumulada de casos de máis de 65 anos diagnosticados en 7 días: risco alto (A Coruña risco alto, Lugo risco alto, Pontevedra risco extremo, Ourense risco alto)

Positividade global das probas diagnósticas por semana: Risco medio

BLOQUE II: Nivel de utilización de servizos asistenciais por COVID-19

Ocupación de camas de hospitalización por casos de COVID-19: 6,35%, segundo cifras do Ministerio, risco medio.

Ocupación de camas de coidados críticos por casos de COVID-19: 13,8%, segundo cifras do Ministerio, risco medio.

A situación epidemiolóxica segue sendo pois moi grave, a pesar de ser notablemente mellor que a media española. Afortunadamente, na fronte asistencial o SERGAS parece que aínda ten bastante marxe.

O resultado global é que dos catro niveles de alerta que pactaron Ministerio e autonomías, Galicia estaría no nivel 2, risco medio; sendo o 1 o mellor e o 4 o peor. ou

Sanidade confirmou tamén que, desde o inicio da pandemia, contaxiáronse de COVID 50.363 persoas, e curáronse 40.557 (501 persoas máis que hai un día). En canto ao número de falecidos, ascende a 1.170.




A Consellería de Sanidade notificou este martes o falecemento de nove persoas infectadas con coronavirus en Galicia. No que levamos de novembro  morreron 247 persoas en Galicia, máis de dez cada día.