Unha moza de 17 anos desapareceu hai doce días no Pereiro de Aguiar (Ourense)

Uxía Gómez Rey foi vista por última vez no Pereiro o 11 de novembro, fai 12 xornadas. Mide 1,60, pesa 50 quilos, de ollos verdes e co pelo longo, liso e louro.

A Asociación SOS Desaparecidos emitiu unha alerta para tratar de localizar a unha menor de 17 anos desaparecida desde o pasado día 11 na localidade ourensá de Pereiro de Aguiar.

En concreto, trátase de Uxía Gómez Rey, unha moza de 1,60 metros de altura, pelo longo e louro e ollos verdes. No momento da súa desaparición vestía pantalón vaqueiro, abrigo longo verde e zapatillas.

OUTRA ADOLESCENTE DESAPARECIDA 
Esta é a segunda desaparición dunha menor que se difunde en Galicia en só uns días. A outra nova que se busca é Paula Lafuente Román, de 16 anos, que falta do seu domicilio en Vigo desde o pasado 9 de novembro.

Segundo a descrición achegada, Paula Lafuente mide 1,65 metros de altura, é de complexión delgada e ten os ollos verdes e o pelo negro.