BNG e PSdeG ou piden explicacións á Xunta pola "vinganza política" e "purga" do Hospital de Verín

|

O anuncio da apertura dun expediente sancionador ao xefe de Xinecoloxía do complexo verinés foi moi mal recibida polos dous grupos da oposición do Parlamento de Galicia.


Mentres a formación nacionalista considera que este movemento por parte do Goberno de Galicia é un "ajueste de contas" contra a persoa que liderou a loita por manter aberto o partirorio do Hospital de Verín, os socialistas veno como un "intento de purga". 


Entrada ao hosital do SERGAS en Verín nunha imaxe de Google Street View


PSdeG e BNG avanzaron que pedirán explicacións no Parlamento polo expediente aberto ao xefe de Xinecoloxía de Verín, Javier Castrillo, quen encabezou no seu día as protestas contra o peche do paritorio do hospital comarcal --posteriormente reaberto--, xa que consideran que tras o mesmo escóndese unha "vinganza política" e un intento de "purga".


Nun comunicado, a deputada do BNG por Ourense Noa Presas asegurou que a formación recibiu "con sorpresa e alarma" da apertura do expediente contra Castelo e preguntouse se a dirección sanitaria de Ourense "non ten outra cousa que facer que axustar contas".


Se o Bloque ve "unha aparente vinganza política", o líder do PSdeG, Gonzalo Caballero tamén emitiu un comunicado no que esixe ao presidente galego, Alberto Núñez Feijóo, que aclare "por que se tenta purgar" a este xinecólogo tras as protestas de Verín.


Caballero avanzou que os socialistas tamén levarán este tema ao Parlamento e incidiu en que "sorprende moito" que o Sergas "decida agora expedientar a quen foi unha das caras visibles dunha protesta que obrigou á Xunta a rectificar no desmantelamento do hospital comarcal".


EXPEDIENTE 

O doutor Javier Castrillo foi notificado o pasado luns da apertura dun expediente disciplinario en relación a uns feitos que acudiron hai case un ano, xusto antes de que se fixese efectivo o polémico peche do paritorio comarcal, posteriormente reaberto pola Xunta. Podería supoñerlle ata dous anos de inhabilitación.


Segundo explicou a Europa Press o propio Castrillo, a actuación pola que se lle incoa o expediente remóntase ao pasado 30 de novembro de 2019, xornada na que naceu o que, en principio, estaba chamado a ser o último neno que nacería no centro sanitario comarcal.

Castrillo sostén que a neno nación "sen complicacións nin ningún problema" e sinala que as matronas ratificaron que así era, pero a pediatra de garda recomendou que "se derivase ao neno a Ourense", topándose coa oposición do xefe de Xinecoloxía, por non ver razón para iso.

Finalmente, o bebé acabou sendo trasladado, pero o Sergas notifica agora un expediente ao ginécologo, segundo a súa versión, por contravir a decisión doutra profesional, neste caso a pediatra, o que considera unha falta "grave".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress