"QCHDN": Gadis regala 50.000 máscaras hixiénicas con cada compra deste venres

Despois de o éxito do seu anuncio, que viu a luz a semana pasada, desde Gadis reparten máscaras como as do anuncio para os seus clientes. 

"No ADN de Gadis está axudar e, para nós, é un compromiso coa sociedade poñer todos os grans de area que podamos para loitar contra a pandemia", indican desde a compañía.

Gadis regalará este venres 13 de novembro un total de 50.000 máscaras hixiénicas non reutilizables aos seus clientes en todos os seus puntos de venda de Galicia, ata fin de existencias, cando fagan a compra.

A cadea de supermercados reivindica con esta actuación o seu "apoio" nestes tempos "complexos" en que a pandemia "cambiou todo". "No ADN de Gadis está axudar e, para nós, é un compromiso coa sociedade poñer todos os grans de area que podamos para loitar contra a pandemia", destaca a dirección de márketing da compañía.

Estas 50.000 máscaras hixiénicas están inspiradas na nova campaña de 'Vivamos como galegos' e transmiten unha mensaxe de optimismo contra a covid na liña do anuncio 'Non vas poder con nós'.