Chegan colchóns á "casa do terror" da Residencia Salvaterra e o presidente evita dar as explicacións que piden BNG e PSOE

|

Pontón e Caballero reclamáronlle esta mañá a Feijóo aclaracións tras as durísimas imaxes da falta de medios no asilo, onde hai 64 maiores con coronavirus. O presidente deféndese sen dar datos sobre ese asilo. Pola tarde, a conselleira alega que enviaron uns 50 reforzos  e o PSOE lémbralle que as enfermeiras se queixasen cando a Xunta levaba xa dúas semanas ao temón.


A conselleira de Política Social, Fabiola García, asegurou que se analiza "moi detidamente" a situación na residencia de Salvaterra de Miño despois de "ter coñecemento" dun escrito no que se denuncian episodios de abandono aos usuarios do centro, intervido pola Administración autonómica desde o 27 de outubro.

O PSOE LEMBRA QUE A Xunta LEVADA DÚAS SEMANAS Ao TEMÓN
Díxoo en resposta a unha interpelación parlamentaria formulada pola diputuda socialista Mariña Ortega durante o pleno ordinario que este mércores acolleu o Pazo do Hórreo, onde a parlamentaria do PSdeG cargou contra a conselleira por "recoñecer" que "actuaron despois da denuncia" que chegou aos medios nos últimos días "cando a residencia levaba 15 días intervida".

Fabiola García acusou á deputada socialista de "mentir" sobre o que ocorre na residencia de Salvaterra, na que "se reforzou" o persoal en "case 50 profesionais". "Fíome máis do que din os inspectores da Xutna que o que traslada vostede ou algún medio de comunicación", apostilou a titular de Política Social.


A OPOSICIÓN PIDE A FEIJÓO QUE INTERVEÑA

A polémica chegou ao debate entre os líderes políticos galegos. 


Na súa pregunta a Alberto Nuñez Feijóo (PP), Ana Pontón (BNG) reclamoulle explicacións e que a Xunta interveña urxentemente en Salvaterra.  Gonzalo Caballero (PSOE) demandou unha "explicación" ante os que os socialistas consideran un "exemplo de abandono nos coidados e incumprimento das normas de residencias"


Na súa resposta, o presidente da Xunta evitou referirse ao sucedido nese asilo. Limitouse a dar unha resposta xenérica, acusar á oposición de "demagoxia" e recoñecer que "lamentablemente non hai unha fórmula para que o virus non entre nas residencias".  "O 90% das residencias en Galicia están libres de coronavirus", engadiu.

DÚAS INSPECCIÓNS
Así, a conselleira asegurou que a Xunta se atopa "analizando moi detidamente" a situación nesta residencia, ao que "inmediatamente" trasladouse "unha inspección" sanitaria e outra de servizos sociais para estudar as condicións nas que se atopa o centro.

Todo iso, continuou, co obxectivo de "salvar a todas as persoas que están na residencia e comprobar que se cumpre escrupulosamente a normativa vixente" e que, no caso de non seguirse, procederase á apertura de expedientes sancionadores.

CAMBIO DE COLCHÓNS NO TELEXORNAL
Na súa réplica, a deputada Mariña Ortega acusou de falsear a realidade á conselleira, á que convidou a ver os telexornais deste mércores nos que se viron imaxes de como eran cambiados os colchóns das camas da residencia de Salvaterra dúas semanas despois da súa intervención por parte da Administración autonómica.


Efectivamente, hoxe as cámaras de Telecinco sorprenderon a operarios metendo colchóns novos na Residencia de Salvaterra


Hai que lembrar que colchóns rajados e húmidos son algunhas das moitas deficiencias desveladas en as fotos da queixa presentada polos traballadores á Xunta, que publicou Galiciapress este martess. Varias traballadores reiteraron a esa emisora as queixas desveladas onte, chegando a cualificar o vivido como unha "casa dos horrores" que, nalgún caso, provocoulles crise de ansiedade e obrigou a coller baixas.


Colchóns chegando á residencia de Salvaterra


Traballador mete colchóns na residencia de Salvaterra hoxe, nunha imaxe de Telecinco


Así as cousas, Fabiola García apelou a "desterrar a imaxe" de que a intervención de centros de maiores constitúe unha "medida punitiva", xa que, seguiu, do que se trata é de "atopar solucións" que garantan o trato adecuado a usuarios e a seguridade para os traballadores.

"As intervencións son medidas excepcionais que se toman con criterios puramente sanitarios", remarcou a conselleira, que ha asegurado que o 98% das prazas residenciais en Galicia están nestes momentos "libres de covid".


O certo é que son máis de 400 os casos activos en residencias de Galicia entre usuarios, máis de 250 entre traballadores. 


Máis do 40% de os 1.024 falecidos ata hoxe eran persoas maiores que vivían en residencias.


E, o máis triste, aínda hoxe seguen aparecendo novos brotes nos asilos. Por exemplo, acaba de descubrirse outro brote na Residencia Ballesol Vigo.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE