A alerta vermella en Cangas do Morrazo sobe os concellos afectados polo máximo nivel a 12

Vilanova de Arousa, O Porriño  Marín,  Oleiros, Mesía e Fene entran en alerta laranxa. En Cangas hai varios positivos entre os xogadores do equipo de balonmán que suspendeu o seu último partido.

Continúan en vermello Santiago, Arteixo, A Laracha, Ordes, Ames, Vilagarcía, O Carballiño, Barbadás, Ourense, O Barco e Verín

ALERTA VERMELLA
A lista de municipios galegos en nivel máximo de alerta, o 3, pola pandemia do coronavirus ascenderon este domingo a 12 despois do ingreso no grupo do municipio pontevedrés de Cangas do Morrazo, onde se detectaron máis de 21 casos positivos por PCR no últimos sete días.

Deste xeito, Cangas súmase á lista de 11 municipios en nivel 3 pola incidencia do coronavirus, na que tamén figuran as cidades de Ourense e Santiago de Compostela, que rexistran máis de 120 e 112 contagios, respectivamente, en sete días.

As outras localidades con nivel máximo de alerta pola pandemia por presentar máis de 21 casos confirmados na última semana son A Laracha, Vilagarcía, Ordes, Arteixo, Ames, O Barco de Valdeorras, Verín, Barbadás e O Carballiño.

ALERTA LARANXA
Mentres, en situación 2 --en cor laranxa do 'semáforo' do mapa de Sanidade-- sitúanse 17 municipios, dos cales 11 repiten no mesmo nivel de alerta con respecto á xornada anterior: Vigo, A Coruña, Pontevedra, Lugo, Ferrol, Culleredo, Teo, Poio, Pereiro de Aguiar, Nigrán e Narón.

Ademais, súmase ao nivel 2 os municipios pontevedreses de Vilanova de Arousa, O Porriño e Marín; e os coruñeses Oleiros, Mesía e Fene. Pola súa banda, Carballo (A Coruña) e Tomiño (Pontevedra) descenden ao nivel 1 e están en cor amarela.

En nivel vermello inclúense os municipios de menos de 50.000 habitantes con 21 ou máis casos novos á semana, mentres que no caso dos concellos de máis de 50.000 habitantes establécese como corte a detección dunha taxa de 112 ou máis casos á semana por cada 100.000 habitantes. No nivel de cor laranxa inclúense municipios de máis de 50.000 habitantes con 56 e 111 casos novos de covid á semana por 100.000 habitantes e nos de menor poboación que presenten entre 14 e 20 casos.