Un concello galego paga mil euros por fillo para combater o despoboamento rural

|

A Lama tiña uns 5.400 empadroados en 1960. 56 anos despois só quedaban 2.587. De todos os seus habitantes, menos do 9% son menores de 15 anos.


O Concello da Lama (Pontevedra) ofrece mil euros a través da entrega dun "cheque bebé" no marco dunha campaña de fomento da natalidade e empadroamento. Esta contía outórgase por fillo nado ou adoptado entre o 1 de xaneiro e o 31 de decembro de 2019 e pagarase en dúas anualidades.


O exalcalde a Lama Manuel Rial González nunha homenaxe no Concello

Jorge Canda, alcalde da Lama, nunha homenaxe ao seu predecesor no cargo


O prazo para solicitar acollerse a esta iniciativa finaliza o próximo 30 de outubro, e os impresos poderanse entregar nas oficinas municipais ou a través da vía electrónica.

REQUISITOS
Poderán ser beneficiarios destas axudas uno dos proxenitores ou adoptantes de menores con residencia fixada en municipio da Lama, no que debe de estar empadroado con 12 meses de antelación ininterrompidos, como mínimo, ao nacemento ou á adopción. Así mesmo, os beneficiarios deberán constar como empadroados tamén no momento de recibir as axudas.

As axudas por fillo nado ou adoptado serán de mil euros e, no caso de partos múltiples, terán dereito a obter un 40 por cento adicional por un segundo e 20 por cento polos seguintes. A subvención repartirase ao 50 por cento en dúas anualidades.

TRÁMITES
Como documentación, hai que presentar o DNI do solicitante, certificado de nacemento emitido polo Rexistro Civil ou copia da resolución xudicial no caso de adopcións. Tamén deberán entregar un certificado de convivencia, así como os correspondentes de Facenda e Seguridade Social que certifiquen que están ao día das obrigacións tributarias, xunto co certificado de titularidade de conta bancaria.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress