R poderá ofrecer 5G a partir de xaneiro de 2022, ou antes, grazas ao acordo de Orange e Euskaltel

|

A operadora de R utilizará a rede 5G de Orange para tratar de captar novos clientes máis aló de Galicia, Asturias e País Vasco mediante a marca Virgin.


Euskaltel, matriz da marca galega R, asinou un acordo con Orange que permitirá ao grupo ofrecer aos seus clientes tecnoloxía móbil 5G como operador móbil virtual aloxado na rede de Orange, segundo informou este xoves á Comisión Nacional do Mercado de Valores (CNMV).


Josu00e9 Miguel Garcu00eda é o CEO do Grupo Euskaltel, propietario da marca galega R

José Miguel García é o CEO do Grupo Euskaltel, propietario da marca galega R


En concreto, o acordo inclúe o acceso á tecnoloxía 5G a partir do 1 de xaneiro de 2022. As partes poderán negociar o adiantamento desta data ao momento en que Orange lance o Servizo 5G a nivel comercial de maneira masiva.


O conselleiro delegado do Grupo Euskaltel, José Miguel García, sinalou que "se trata dun acordo moi importante para o Grupo Euskaltel xa que nos permite garantir o acceso ás redes tecnolóxicas máis avanzadas de 5G para poder ofrecer aos nosos clientes produtos e servizos de máxima calidade e valor. Este acordo permítenos dar o mellor servizo aos nosos clientes existentes, así como aos novos clientes da expansión nacional".


ORANGE XA É PROVEDOR
Así mesmo, o acordo terá a mesma duración que os acordos para o servizo de operador móbil virtual vixentes na actualidade con Orange (xuño de 2024). 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress