Unha festa con 90 persoas nun bar provoca un novo brote de coronavirus en Lugo

A finais de setembro a Policía tivo que entrar nun bar da Rúa Milagrosa ateigado de clientes sen máscara.  Dúas semanas despois do desaloxo policial, empezan a saltar positivos, por agora, seis.

A Policía Nacional interveu a celebración a finais de setembro e denunciou a 23 persoas por non levar máscara

Comisaría de Lugo

Unha festa nocturna nun bar de Lugo na que tivo que intervir a Policía Nacional a finais de setembro saldouse cun brote con polo menos seis casos positivos de COVID-19 asociados, segundo confirman a Europa Press fontes da área sanitaria.

O 25% NON LEVA A MÁSCARA OBRIGATORIA

En concreto, trátase dunha celebración en un local da rúa Milagrosa á que asistiron unhas 90 persoas, 23 delas sen máscara, o sábado 26 de madrugada.

Días máis tarde, tras coñecerse o primeiro contaxio dun dos clientes, realizáronse as probas aos seus contactos e, polo momento, hai seis casos de coronavirus detectados.

Na noite da festa, a Policía Nacional acudiu ao lugar tras ser alertada e sancionou ás 23 persoas que non utilizaban máscara, segundo informou o corpo.

SALTÁNDOSE VARIAS BARREIRAS

Ademais, procedeu a abrir un expediente de estranxeiría por irregularidades a un dos clientes e, con respecto ao local, realizouse acta de denuncia por permitir o consumo de bebidas na barra e outra por exceso de aforo.

O local tamén incumpría o horario de peche, debido a que "estaba en pleno funcionamento ás tres da madrugada", explicou a Policía Nacional, mentres que outro dos clientes foi denunciado por desobediencia a axentes da autoridade, segundo o establecido na Lei de Seguridade Cidadá.