O achado dun cadáver en Barbadás reactiva a procura de Nerea Añel, desaparecida desde xaneiro

|

Dous senderistas que camiñaban polas proximidades dunha aldea abandonada no municipio ourensán de Barbadás, localizaron nas últimas horas un cadáver e investígase se se trata da moza Nerea Añel, desaparecida desde xaneiro pasado.


Nerea au00f1o




Segundo explicou a Europa Press o alcalde de Barbadás, Xosé Carlos Valcárcel, o achado produciuse na tarde do domingo, cando unha parella que paseaba ao seu can pola aldea abandonada de Vos Muíños atopou un corpo "en avanzado estado de descomposición".

Tras alertar ás forzas e corpos de seguridade, ao lugar desprazáronse efectivos da Garda Civil, de Policía Local e de Protección Civil de Barbadás, que custodiaron a zona durante toda a tarde e a noite, para preservar posibles probas.

Valcárcel sinalou que estaba previsto que a xuíza autorizase o levantamento do cadáver ao longo da mañá deste luns, e tamén se prevé que os investigadores da Policía Xudicial de Garda Civil inspeccionen con detemento o lugar onde apareceu o corpo.

Fuentes da investigación apuntaron que as pescudas e a autopsia permitirán determinar se o corpo pertence á moza Nerea Añel, de 27 anos de idade, que desapareceu en Ourense en xaneiro pasado.


A súa familia viuna por última vez o día de Reyes e o pasado mes de febreiro levou a cabo un rastrexo con cans da Policía Nacional nas inmediacións dun motel en Barbadás, onde fora vista a moza. Precisamente, o corpo localizado nas últimas horas atopábase a uns 400 metros dese motel.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress