Pontevedra centra de novo todas as miradas nunha xornada de melloría nas áreas sanitarias galegas

|

Os datos do Servizo Galego de Saúde volven evidenciar que aínda que a situación parece ir normalizándose no conxunto de áreas sanitarias galegas, en Pontevedra o escenario segue sendo bastante preocupante.


Mentres catro áreas ofrecen resultados de descenso no número de casos, a área da cidade do Lérez é a única que supera a trintena de novos casos. É máis: Pontevedra triplica por se soa o número de novos positivos no resto de áreas.



Con 33 novos casos, a área pontevedresa é a máis afectada de toda a comunidade. En só cinco días a área suma 124 novos casos aos seus algarismos e é a única que no que vai de mes non rexistrou nin un só día de descenso nas súas cifras. Hoxe supera o seu rexistro de setembro, xa que os 33 novos casos rompen o récord establecido onte, cando se notificaron 31 novos casos.


Como Pontevedra as áreas de Ourense, con nove casos máis, e Ferrol, con dous máis, son as outras áreas galegas que hoxe ven aumentar as súas cifras.


DESCENSO XENERALIZADO

Con todo, Galicia parece estar de parabén, xa que as cifras no resto de áreas son realmente alentadoras. Santiago de Compostela, que segue mirando de esguello a evolución do brote en Lalín, lidera hoxe o descenso, cunha trintena de casos menos. Algo parecido ao que vive hoxe Lugo, que aínda que segue atento á evolución do brote detectado nun hospital da provincia, hoxe conta con 19 casos menos.


A Coruña, con sete menos, e Vigo, que rebaixa en cinco as súas cifras. Isto significa que Galicia ten 17 casos menos desde onte. A tendencia xeral, por tanto, segue sendo moi positiva, e a media móbil diaria sitúase en 3 casos máis ao día. Isto significa que, porcentualmente, Galicia evoluciona a un ritmo do 0,1%. De seguir a este ritmo, pronto poderiamos falar dunha evolución negativa, o que podería supoñer que Galicia comeza a recuperarse desta segunda onda. 




Con todo, sempre é máis relevante fixarse na tendencia xeral que nas cifras de determinado día, unha gráfica que volve anunciar unha tendencia alcista, aínda que non é tan mala como a de onte. A media móbil a sete días de casos activos en Galicia está a crecer por baixo do 7% cada xornada, concretamente hoxe é do 6,1%, unha porcentaxe alta pero sensiblemente máis baixo que o 13,2% que arroxaba o 14 de agosto, que foi o seu máximo valor desde o principio dos rebrotes. 


Segundo os datos de as notas de prensa de o SERGAS, este luns 14 de setembro o número de casos activos de coronavirus en Galicia é de 4.264, dos cales 1.297 son da área da Coruña, 795 de Lugo, 482 de Ourense, 503 de Pontevedra, 361 da área de Vigo, 540 de Santiago e 186 de Ferrol.


Uq1eR coronavirus casos activos por reas sanitarias de galicia nbsp





Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress