O coronavirus acelera en Pontevedra pero hai varias áreas, como A Coruña, nas que pode empezar a baixar

Galicia detectou nas últimas 24 horas 293 novos positivos por coronavirus e os casos activos incrementáronse en 55, ata situarse en 4.137, de acordo cos datos difundidos este sábado pola Consellería de Sanidade, tomados na tarde do venres.

|

As cifras do coronavirus hoxe en Galicia son algo peores que as de onte, cun índice de positividade superior ao 6%, pero polo menos confirman unha certa estabilización da pandemia a nivel galego. Iso si, a evolución segue sendo moi dispar. A Coruña, Lugo e Ferrol volven achegar datos esperanzadores, ao contrario que Pontevedra.





Son 293 os novos contagios detectados hoxe, 41 máis que onte a pesar de que o SERGAS realizou menos PCRs, 4.700 fronte a 5.200.


Así as cousas a taxa de positividade sobe hoxe ata o 6,13%. Lembrar que a OMS estima que o 5% é a máxima porcentaxe para poder estimar que un foco está controlado.


Se ampliamos o foco, como sempre debemos facer para determinar a tendencia, vemos que, afortunadamente, os indicadores seguen estables. Sen baixar, pero tampouco sen dispararse.


Así, a media móbil a sete días da porcentaxe de positividade está en 5,85 , similar ao de onte e perceptiblemente inferior que ao de luns, cando chegou a estar no 6,56%.


A media móbil a sete días de novos contagios está en 263 positivos ao día, similar á de onte e inferior á de antesdeayer, cando se alcanzou o máximo do verán, con 273.


E a media móbil de PCR segue polos 4.500 ao día, notablemente superior aos 2.500-3.000 que o SERGAS facía en agosto.





O indicador de casos activos, que é a base que se empeña en utilizar a Xunta nas súas comunicacións, resulta hoxe especialmente enganoso. Só reflicte un cremiento de 55 casos activos máis; o que sería unha excelente noticia, o mellor dato desde o 7 de agosto. 


O problema é que a bondade dese dato é ficticia, pois houbo 238 altas e, por tanto, 293 contagios, cifra similar á doutros días. 


En todo caso, o indicador de casos activos permítenos ver que a presión sobre o sistema sanitario segue aumentando, pero a un ritmo cada vez menor. As altas cada vez son máis e está máis preto o ansiado día en que haxa máis curacións que contagios, momento no que se poderá afirmar que Galicia dobrou a curva dos brotes estivais.

 

A este ritmo, é posible que nunha semana empecemos a ver máis altas que positivos:






parte de Sanidade non reflicte ningún novo falecemento en Galicia vinculado coa COVID-19, polo que a cifra mantense en 656 desde que comezou a pandemia.

DATOS POR ÁREAS SANITARIAS
Por áreas sanitarias, o maior incremento no número de casos activos é o de Pontevedra, que pasa de 279 a 308 casos activos --29 máis--, mentres que a que máis pacientes ten segue sendo a da Coruña, con 1.446, aínda que só sobe nun con respecto ao día anterior.



Uq1eR coronavirus casos activos por reas sanitarias de galicia nbsp  (11)



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE