O dano do coronavirus no emprego en gráficos: Hai un 15% máis de paro que o ano pasado

A única boa noticia dos datos do paro de hoxe é que o aumento interanual vaise relaxando, chegou a estar case no 20% en xuño e agora anda polo 15%. A industria e os servizos son os que máis destrúen emprego, sendo A Coruña unha das provincias máis prexudicadas debido á recesión en lugares como As Pontes. Pola contra, a agricultura gaña traballadores.

O número de parados rexistrados nas oficinas dos servizos públicos de emprego (antigo Inem)subiu en 1.640 desempregados en agosto en Galicia en relación con xullo, ata situar o total en 176.951 persoas. 

O incremento intermensual, deste xeito, foi do 0,94% na comunidade galega, por encima do 0,79% experimentado pola media do conxunto estatal.

En comparación co mesmo mes de 2019, en Galicia o desemprego aumenta en 23.131 persoas, o que representa un ascenso do 15,04%, segundo os datos que publica este mércores o Ministerio de Traballo e Economía Social. 

Por provincias, os desempregados na da Coruña creceron en 1.019 en agosto, fronte a 428 máis en Pontevedra, 135 en Ourense e 58 en Lugo. 

POR SECTORES
Mentres, por sectores de actividade, ascendeu o paro en todos menos en agricultura (-4) e na construción (-138). A industria anotouse 417 parados máis, os servizos 633 e o colectivo sen emprego anterior, 732.

Un total de 12.553 estranxeiros estaban no desemprego en agosto na comunidade, 354 máis que en xullo (+2,9%) e 3.559 máis que 12 meses atrás (+39,57%). Deles, 4.313 eran procedentes de países comunitarios e 8.240 extracomunitarios.

No que respecta a demandantes de emprego, 296.637, son 82.466 ocupados, 23.894 que indicaron na súa solicitude condiciones especiais de traballo e 190.277 non ocupados (estes últimos son 1.726 máis que en xullo pero 24.861 menos que en agosto de 2019).

CONTRATACIÓN
Pola súa banda, a contratación baixou en 22.008 firmas con respecto a xullo (-25,47%), ata 64.399 contratos, que son tamén 29.230 menos que en agosto do pasado exercicio (-31,22%).

Do total, 5.159 foron indefinidos (1.322 menos que en xullo) e 59.240 temporais (20.686 menos que no mes anterior). Os datos acumulados mostran que 474.172 contratos en Galicia, 44.899 deles indefinidos (o 9,47%) e 429.273 temporais (o 90,53%).

O impacto do paro notouse especialmente en laprovincia da Coruña, a máis golpeada polo coronavirus en agosto.

O Ministerio de Emprego e Seguridade Social tamén publica a cifra de afiliados á Seguridade Social. En agosto de 2020, rexistráronse 1.012.794 de afiliados, cunha variación de 0,71% en comparación co mes anterior. Con respecto ao mesmo mes de 2017, a variación foi de -2,32%.