Volve o tren entre Vigo e O Porto cunha conexión ao día pola mañá a partir do domingo

A oferta por agora é limitada, pois Renfe e a súa homóloga lusa están á espera de ver como evoluciona a demanda debido á caída de viaxes polo coronavirus.

Renfe e Comboios de Portugal recuperan a partir deste domingo, 16 de agosto, dous trens Celta, un de ida e outro de volta, entre Vigo e O Porto.

Tren celta operado por Renfe e Comboios de Portugal en Vigo - Urzaiz  / Pedro Seoane Prado Creative Commons Attribution-Share Alike 4.0 International wikimedia

 

Segundo informa Renfe nun comunicado, esta oferta "ampliarase gradualmente a medida que se vaian recuperando os índices de demanda".

Así, o de Vigo-Guixar con destino ao Porto sairá ás 8,58 horas (hora española) e chegará ás 10,20 horas (hora portuguesa).

O do Porto sae ás 8,13 horas (hora portuguesa) e chega ás 11,35 horas (horas española).

O 2 de xullo de 2013, froito do acordo entre España e Portugal comezaron por primeira vez os trens directos entre Vigo e O Porto sinparadas intermedias. Ambas as cidades están conectadas en dúas horas e 20 minutos aproximadamente.

Posteriormente, desde xullo de 2014 estes trens realizan ademais paradas comerciais en Valença, Viana do Castelo e Nine.