Só o terzo norte de Galicia líbrase este luns de estar en risco extremo ante incendios forestais
Practicamente toda Galicia, fóra do seu terzo norte, continúa este luns no nivel extremo, o máis alto, de risco ante incendios forestais.
Así figura no mapa do índice de risco diario de incendio (IRDI) que publica a web da Consellería do Medio Rural en base a factores como a seca, o estado de matogueiras e pastos e as condicións de humidade, de temperatura e de vento.
Deste xeito, case toda a Comunidade galega estará este luns no máximo nivel de alerta, no quinto. Unha das áreas con menor riscos é a provincia da Coruña, debido a que, aínda que a zona máis ao sur e a comarca do Barbanza si están en nivel extremo, o resto atópase en niveis alto ou moi alto. A única área con risco moderado é a Costa da Morte.
Ademais, na provincia de Lugo, tan só a comarca da Mariña non rexistra un nivel extremo de alerta ante lumes forestais, senón que está en moderado ou alto.
En canto ás provincias de Ourense e Pontevedra, practicamente na súa totalidade atópanse en risco máximo, fóra dalgúns municipios da fronteira entre ambas.
Escribe o teu comentario