Gráficos coronavirus: Lugo e A Coruña sofren máis o acelerón de casos activos en Galicia

O coronavirus segue gañando velocidade en Galicia. Os datos deste domingo son malos, cos casos activos á alza en todas as áreas sanitarias, salvo Ourense e Ferrol. A situación é especialmente preocupante na Coruña e Lugo.

CAMBIO DE TENDENCIA EN LUGO

En Lugo preocupa ante o evidente cambio de tendencia. Desde o pico do brote da Mariña, o 11 de xullo, o SERGAS cada vez detectou menos contagios. Isto, unido ás altas, provocou que o 23 de xullo só quedasen 73 casos activos. Con todo, esta melloría interrompeuse no últimos tres días. 

Hoxe soben en cinco os casos activos en Lugo, ata os 85.  Hai que lembrar que onte o SERGAS confirmou un brote de orixe familiar con 10 positivos por coronavirus no concello do Saviñao (Lugo). 

O BROTE DO FUENLABRADA PODE EXPLICAR OS NOVOS POSITIVOS CORUÑESES

Na Coruña, o rebrote provocado pola viaxe do Fuenlabrada segue incrementando o cómputo de casos activos na área sanitaria. Onte o club confirmou 12 novos contaxiados, 4 en Madrid e 8 máis no Hotel N.H. Finisterre herculino. O cómputo de enfermos na Coruña elévase a 20, cun xogador hospitalizado. 

Así as cousas, a cifra de casos activos na Coruña sobe en 7 persoas. Como o CF Fuenlabrada confirmou 8 novos positivos na Coruña, parece que non hai ningún outro rebrote importante na área sanitaria. É imposible afirmar ao 100% isto, pois o SERGAS non informa de novos contagios, só do cómputo de casos activos, no cal as altas poden enmascarar novos positivos.

Vigo é a terceira área con máis casos, hoxe tres máis, subindo ata 35.  Non hai novidades sobre rebrotes. O último publicado por el SERGAS é que repetirá os test a dous familiares do brote familiar do Porriño. A Xunta dáo por "controlado",  sen positivos novos á marxe dos 6 xa coñecidos. O polo menos tres positivos novos da área olívica parecen ser, por tanto, procedentes de casos puntuais noutros lugares.

Santiago aumenta os seus casos activos en dous enfermos. Con todo, a área compostelá non é das que se está comportando peor, pois os 13 actuais son só 6 máis que o mínimo, 7, de casos activos de hai unha semana. Algo que podería ter relación coa menor afluencia turística á cidade.

As mellores noticias veñen de Ourense e de Ferrol. De Ourense poque o último rebrote do que se ten noticia é o de Beariz  e diso fai máis dunha semana. Entón o acumulado de casos activos era de 5, hoxe son só 6, sen variacións dese onte.

A área sanitaria de Ferrol, a máis pequena, segue libre de coronavirus. Leva 8 días co seu algarismo nun evidiable cero.

O número de casos activos de coronavirus en Galicia é de 217, dos cales 59 son da área da Coruña, 85 de Lugo, 6 de Ourense, 19 de Pontevedra, 35 da área de Vigo, 13 de Santiago, e ningún de de Ferrol, segundo o último comunicado do SERGAS.

MAIOR AUMENTO DO CORONAVIRUS EN TRES MESES

A nivel galego, as cifras de hoxe indican que hai 21 positivos máis que ayer. É o maior aumento diario do COVID-19 en Galicia no últimos tres meses. 

Levamos xa tres xornadas seguidas nas que os casos activos soben sobre un 9 - 10 % cada día, algo que non sufriramos en Galicia desde o pico da pandemia.

Supón un incremento dun 10,7% dos casos activos respecto onte. Se ampliamos o foco, vemos que a media móbil a 7  días ponse en +1,1%, o que tamén é a maior taxa dos últimos tres meses.