Ecoloxistas en Acción denuncia a presenza nos ríos galegos de gilosfatos, un produto que podería ser canceríxeno
A asociación Ecoloxistas en Acción vén de denunciar a través dun comunicado que as augas superficiais dos ríos están "altamente contaminadas por glifoxatos".
A asociación Ecoloxistas en Acción vén de denunciar a través dun comunicado que as augas superficiais dos ríos están "altamente contaminadas por glifoxatos".
Das 116 mostraxes de glifosato realizados na Demarcación Galicia Costa, apunta Ecoloxistas en Acción, o 69,9% deron positivo, "nalgúns casos con niveis de concentración por encima de 0,1mg".
O glifosato, lembran os ecoloxistas, é un herbicida "utilizado masivamente en agricultura convencional" e "catalogado pola Axencia Internacional de Investigación do Cancro (IARC) como probable canceríxeno en humanos", así como "tóxico para os organismos acuáticos, con efectos nocivos duradeiros".
Por mor da presenza deste herbicida en augas superficiais dos ríos, Ecoloxistas en Acción reclama que se retire a autorización de comercialización de produtos fitosanitarios que conteñan glifosato, redáctense normas harmonizadas para a mostraxe e análise e asegúrese que a recollida de información sobre presenza de praguicidas "sexa máis completa e axustada á realidade".
Escribe o teu comentario