Os brotes da Coruña fan retroceder ao área herculina ás cifras de casos activos de hai dúas semanas

Os datos do Servizo Galego de Saúde indican novos saltos en tres das sete áreas galegas, coa área da Coruña retrocedendo a cifras de hai dúas semanas. Se nesta xornada son 31 os casos activos na área coruñesa, o pasado 6 de xullo eran 30 os casos que permanecían activos.

A Coruña marcou o seu mellor rexistro o pasado 12 de xullo, cando contaba con só 17 casos activos. Desde entón a escalada foi case constante, co brote de Betanzos como principal culpable destes saltos. Con todo, Galicia volve rexistrar un alivio nas súas cifras: seis casos menos en 24 horas.

A principal preocupación das autoridades sanitarias nestes momentos é o brote de Betanzos, que afecta a dúas familias e que, segundo os datos de onte, contaba con nove persoas afectadas. A outra cara da moeda é Lugo, unha área que hoxe volve ofrecer boas cifras de descenso cunha ducia de casos menos, despois de que onte non arroxase cambios.

A situación por tanto na Mariña, despois do brote de Ou Xove detectado hai case un mes, apunta cara á estabilidade,  despois de cinco días sen repuntes. 

A xornada hoxe tamén ofrece dous repuntes en Pontevedra e Ourense, dun caso máis en cada unha das áreas. Aínda que non son datos especialmente significativos, é importante destacar que mentres a área pontevedresa leva seis días sen perder caso, a auriense acumula cinco sen descensos. 

Mentres, as áreas de Santiago de Compostela, Vigo e Ferrol mantéñense coas cifras que reflectían onte. Mención á parte merece esta última, xa que arrastra un único caso desde fai máis dunha semana. 

MEDIA MÓBIL

Os seis casos menos hoxe en Galicia axudan a manter o descenso no conxunto das áreas. A media móbil semanas sitúase no -2,4%, a porcentaxe máis alta desde o 10 xullo. 

 Doutra banda, o número de casos activos decrece hoxe en Galicia un 2,7%.

Segundo os datos de as notas de prensa do SERGAS, este sábado 18 de xullo o número de casos activos de coronavirus en Galicia é de 218, dos cales 31 son da área da Coruña, 148 de Lugo, 5 de Ourense, 9 de Pontevedra, 17 da área de Vigo, 7 de Santiago e 1 de Ferrol.