Admitida a trámite a querela presentada contra DomusVi pola crise na residencia de Aldán-Cangas, informa REDE
A Federación Galega de Usuarias e Familiares de Residencias vén de anunciar que o Xulgado de Instrución nº3 de Cangas abriu dilixencias "contra a conselleira delegada de DomusVi España, Xosefina Fernández, ademais doutros dous cargos da Xunta de Galicia.
A Federación Galega de Usuarias e Familiares de Residencias vén de anunciar que o Xulgado de Instrución nº3 de Cangas abriu dilixencias "contra a conselleira delegada de DomusVi España, Xosefina Fernández, ademais doutros dous cargos da Xunta de Galicia.
Segundo a nota da Federación, o caso será levado polo xuíz David Pérez Laya, que é o que admitiu a trámite a denuncia presentada polas fillas de dúas usuarias, unha delas falecida no xeriátrico, victima do coronavirus durante a crise que golpeou a moitas residencias galegas e que tivo na DomusVi de Aldán un especial impacto.
Militares desinfectan a residencia DomusVi Aldán-Cangas durante o estado de alarma
Desde REDE citan que a denuncia está presentada, ademais de contra Xosefina Fernández, contra Laura Cancelo, directora do centro, a xefa dos Servizos de Inspección de Maiores e Discapacitados da Xunta, Maria Berta Bicada Porto, e o director xeral e Maiores e Persoas con Discapacidade da Xunta de Galicia, Idelfonso de Cámpaa.
"Ábrense, por tanto, dilixencias previas por presuntos delitos de homicidio, lesións por imprudencia profesional, e abandono de discapacitados", sinala Rede.
"RESCATADA TRAS 50 CAÍDAS"
Á súa vez, advirten que unha das denunciantes "tivo que rescatar á súa nai despois de 50 caídas no centro, levándolla para casa, unha vez que a autoridade sanitaria deu o visto e prace en pleno estado de alarma". "A outra familia xa non tivo esa oportunidade, a súa nai faleceu na residencia", lamenta a Federación, á vez que recalca que entre a familia afectada refírense ao caso como "asasinato" ou "invitación a morrer".
"O xuíz chamará a declarar ás denunciantes, pedirá a DomusVi a entrega dos historiais medios das nais das querellantes e designará médico ou médica forente para que estude os documentos e emita o informe pertinente", conclúe REDE.
Escribe o teu comentario