"Dous ou tres bares" de Burela tiñan case todos os camareiros contaxiados, indica Feijóo sobre o rebrote da Mariña

O presidente tenta quitarlle dramatismo á situación en Lugo, onde xa hai máis de 60 casos activos, case 20 sen relación coñecida co foco localizado na Mariña. Feijóo lémbralle á cidadanía que se ten síntomas non pode negarse a realizarse o PCR, pois o SERGAS tivo "dificultades" con algunha persoa. A Xunta aínda anda á busca de "contactos estreitos" dos contaxiados.

O presidente galego descarta "un problema xeneralizado" na Mariña e puntualiza que neses locais tiñan "os camareiros case todos infectados"
  

O presidente da Xunta, Alberto Núñez Feijóo, situou este xoves a orixe do brote da Mariña, que suma 47 casos positivos de COVID-19, en "dous ou tres bares da zona do porto" da localidade de Burela (Lugo), que pecharon "".

Porto de Burela

Así o manifestou na súa comparecencia tras a reunión do Consello de la Xunta, na que explicou que o brote da comarca coruñesa de Barbanza --con nove casos detectados-- "está controlado", mentres que no da Mariña --con 47 positivos localizados-- "trabállase e tómanse medidas para controlalo".

É OBRIGATORIO DECLARAR Os SÍNTOMAS
"A posibilidade de máis brotes é real. En España hai 56 brotes activos e localizados, así que non debemos baixar a garda e hai que reforzar o sistema de detección e control", incidiu o mandatario autonómico, que matizou que o mércores fixeron PCR e insistiron en que "hai que comunicar os síntomas" porque o COVID "é unha enfermidade de declaración obrigatoria, como pode ser a tuberculose".

No caso concreto da Mariña, Feijóo subliñou que o Sergas traballa "coa máxima celeridade", pero matizou que "hai que dimensionar adecuadamente o brote". Así, lembrou que "son 47 persoas, a maioría asintomáticas ou de carácter leve salvo dous que están ingresadas". 

O rebrote de coronavirus en Lugo hase disparado hoxe con doce casos máis nun só día. Na provincia hai 67 casos activos xa, dos cales 17 non teñen que ver co rebrote da Mariña, polo menos que se saiba.

Respecto diso, indicou que "hai un ingreso na Mariña e tamén unha muller que non está ingresada por COVID, senón por outra patoloxía e que, ademais, ten COVID. Pero o motivo de ingreso é que hai unha patoloxía de base e en PCR acredita positivo", puntualizou.

SEN POSITIVOS EN RESIDENCIAS

Tamén resaltou que se fixeron "1.068 PCR en todas residencias da Mariña e están todas limpas". "O brote está localizado maioritariamente en dous ou tres bares da zona do porto (de Burela)". "Sabemos de onde veu o brote, por iso pedimos prudencia no ámbito do lecer, moi especialmente desde que se autorizou a reapertura de discotecas", afirmou.

PECHES EN HOSTALERÍA
"Non temos un problema xeneralizado na Mariña, senón en dous ou tres bares que pechamos, cos camareiros case todos infectados e tiñamos que cortar ese brote de persoas que entraban e saían de bares", explicou o presidente galego. A Xunta prohibiu a apertura de bares nocturnos e discotecas na comarcas, que debían reabrir este 1 de xullo.

Despois de insistir en que se trata de "un brote localizado en bares", fixo fincapé en que buscan "todos os contactos" que poden, "contactos estreitos".

CASO ASTURIAS PROCEDENTE DE LUGO
Preguntado sobre o caso positivo detectado en Asturias, relativo a unha persoa procedente da Mariña, Feijóo admitiu que non coñecía o caso. "Non tiven ningún contacto co presidente do Principado, pero probablemente as consellerías de Sanidade están a falar", aseverou.

O titular da Xunta lembrou que en España hai "movementos permitidos sen ningún tipo de límite" e recoñeceu que en ocasións entre os contactos estreitos de persoas coa infección "algunha nega contaxio e provoca unha tensión".

"Non pode ocultar o virus. Quero chamar a atención sobre dificultades para que persoas asuman que tiveron contacto estreito con outras que teñen PCR positiva"

"Se alguén ten ese virus ten a obrigación de declaralo, é de declaración obrigatoria", avisou pola súa "altísima porcentaxe de contaxio", abundou. "Non pode ocultar o virus. Quero chamar a atención sobre dificultades para que persoas asuman que tiveron contacto estreito con outras que teñen PCR positiva, con carácter xeral isto non ocorre pero si tivemos algún caso", concluíu.