​Algunhas das empresas máis grandes do mercado participarán no II Congreso Atlántico de Marketing Dixital Flúor

|

Directivos de Google, Sony, Ikea ou A liga formarán parte do evento, amparado pola Concellería de Promoción Económica do Concello de Pontevedra.


Aínda que a primeira edición foi de carácter presencial, a crise actual obriga ao congreso a reinventarse e nesta ocasión terá un formato online e contará coa presenza de máis de 25 relatores.


Fluor pontevedra

A primeira edición do evento foi un gran éxito | Foto: @congresofluor


Esta segunda edición contará con 12 conferencia, tres mesas redondas e catro talleres prácticos, que versarán sobre temas como SEO ou posicionamento de venda en Amazon. En todas as actividades estarán presentes expertos do mundo do en Negocio Dixital, Publicidade Dixital & Branding e Social Media. Google, Sony, A liga, Ikea, Dropbox ou Estrela Galicia son algunhas das moitas empresas que participarán neste encontro telemático.


O ciclo, que xa o ano pasado foi un éxito rotundo que o consolidou como o maior evento de márketing dixital do noroeste peninsular, terá lugar os días 16, 17 e 18 de xuño -este último día será no que se concentren os talleres prácticos-.  


“O Congreso está organizado pola Agrupación industrial de Comunicación de Galicia, do que forman parte colectivos profesionais como a Asociación Galega de Marketing ‘Markea’, a Asociación de Directores de Comunicación ‘Dircom Galicia’ ou Creatividade Galega, e serve de nexo de unión de toda a cadea de valor do sector da comunicación: impresores, deseñadores, creativos, axencias de publicidade e de medios,  márketing dixital e directores de  márketing e de comunicación”, sinalan os promotores do evento.


O acceso ás conferencias está permitido para “todas aquelas persoas interesadas en coñecer de preto as ferramentas, técnicas e estratexias dixitais máis eficaces para marcas, empresas e negocios  online”. “As entradas teñen un prezo xeral de 12 euros, cun desconto de 5 euros para os estudantes menores de 25 anos, e dan acceso a todas as actividades durante os tres días. As inscricións poden facerse a través da páxina web www.congresofluor.com, onde tamén se poderán atopar o programa e toda a información relativa ao congreso”, sinala o comunicado.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress