O Eixo Atlántico urxe á Xunta a posta en marcha dun plan de investimentos transfronteirizo
Desde a Comisión Executiva do Eixo Atlántico acordaron realizar esta solicitude con carácter urxente despois dunha nova reunión telemática entre todos os membros.
Desde a Comisión Executiva do Eixo Atlántico acordaron realizar esta solicitude con carácter urxente despois dunha nova reunión telemática entre todos os membros.
A solicitude irá expresamente dirixida ao líder do Goberno autonómico, Alberto Núñez Feijóo, “na súa condición de presidente da Comunidade de Traballo Galicia- Norte de Portugal”.
Reunión telemática do Eixo Atlántico
Desde o Eixo consideran prioritaria a súa participación e a de todos os sectores implicados na cooperación na redacción e elaboración do plan de investimentos transfronteirizo. Na mesma liña, na reunión tamén se acordou instar os líderes dos Gobernos centrais de España e Portugal para que “os fondos que se reciban de Europa sexan maioritariamente investimento produtivo e non exclusivamente subsidios”.
“Aínda que son necesarios neste momento para as situacións de emerxencia social, non deben xerar unha sociedade subsidiada senón unha sociedade que poida ser produtiva”, argumentan desde o Eixo.
Por isto, no organismo consideran que o papel dos concellos será decisivo neste escenario de programación e repartición de fondos, onde aspectos como o medio rural ou as infraestruturas puxéronse de novo de manifesto como elementos prioritarios para o desenvolvemento.
“Igualmente o Eixo Atlántico convocará no mes de setembro unha conferencia de alcaldes e expertos que debaterán e aprobarán propostas operativas para o proceso de reconstrución tanto no ámbito das súas propias competencias como no ámbito das competencias nacionais e autonómicas”, conclúe a nota do Eixo.
Escribe o teu comentario