“Inditex imponme horario para abandonar ao meu fillo”: algunhas empregadas de Inditex protestan contra cambios asinados por UXT e CCOO

|

Inditex empeza a rebrir as súas tendas tras o confinamento. Faio ao fío dun pacto a nivel estatal asinado entre Zara/Lefties con dous sindicatos -Comisións e UXT- para, entre outros aspectos, reorganizar quendas. Pacto que critica o sindicato galego CIG nun vídeo nas que varias traballadoras dan a cara para queixarse, algo moi pouco frecuente no grupo que fundou Amancio Ortega.

 

O sindicato CIG recolleu as denuncias de parte do persoal afectado, que pide a Iditex que retroceda no que ven como unha modificación "unilateral" das condicións.  Tras un encontro coa Inspección de Traballo, a Federación de Servizos da CIG di que a empresa se nega a rectificar unha decisión que adoptou "dun día para outro, sen negociación co comité de empresa e por teléfono”.





“Despois de moito tempo pelexando para poder coidar do meu fillo foi un xuíz o que me deu a razón. Agora Inditex imponme un horario para abandonalo”



“Teño fillos as 24 horas, e se antes necesitaba unha conciliación familiar, agora, durante unha pandemia, necesítoa máis que nunca”, reclama unha das afectadas. “Despois de moito tempo pelexando para poder coidar do meu fillo foi un xuíz o que me deu a razón. Agora Inditex imponme un horario para abandonalo”, lamenta outra traballadora. Nesa liña, as proletarias acusan a Inditex de aproveitar a pandemia para arrebatarlles “os dereitos conseguidos ata este momento”, como o dereito para gozar dun sábado libre ao mes, ter o descanso semanal mínimo por lei en moitos casos ou o uso das cociñas das tendas, agora pechadas.


Ademais, expoñen que o anuncio destas medidas non lle chega por escrito “para non deixar constancia” da vulneración e que as medidas de prevención aplicadas por Inditex nas súas tendas ata o de agora son “escasas” e “ineficaces”. “Baixo o lema ‘A vaporeta é a nosa vacina’ pretenden convencernos de que o vapor de auga desinfecta”, advirte un afectado ao fío do lema do plan de prevención do grupo. “Como levamos dous meses en casa cobran agora pretenden sanear a empresa á nosa costa”, denuncian desde CIG.



PELEXA ENTRE SINDICATOS

Esta campaña lánzase despois que os dous principais sindicatos estatais asinasen un acordo co grupo para volver á actividade comercial en Zara e Lefties.


O texto asinado cos outros sindicatos contradi aparentemente a versión da CIG. "Respecto das reducións de xornada en todo caso. Como dereito fundamental de conciliación, que deberá de ser contemplado tamén baixo os parámetros de seguridade e dereito á saúde" recolle o acordo publicado na web de Comisións. 


O pacto inclúe ademais sete medidas concretas flexibilizar a xornada laboral tras recoñecer que  "as necesidades de conciliación son perentorias para a práctica totalidade do persoal". O acordo, que inclúe unha "nova organización de quendas",  indica que estamos ante "medidas excepcionais", que están supeditadas á finalización do desconfinamiento. 


EMPREGADA DENUNCIA “REPRESIÓN POLICIAL”



Segundo o sindicato nacionalista CIG o que en verdade pretende o grupo é" aforrar diñeiro evitando ter que contratar persoal temporal para cubrir baixas e vacacións xa que non respectan nin os descansos do sábado nin cumpren os descansos semanais”


Estes empregados cren que a imaxe que se dá de Inditex non se corresponde coa realidade que soportan os persoais. “Inditex modifica os horarios e chama á policía para aplicar a represión contra as súas traballadoras e representantes”, critica Carmiña Naveiro, que expón que foi “coaccionada” pola empresa para abandonar o seu posto de traballo “por reivindicar os dereitos colectivos”.


TRABALLADORA INDITEX CONCILIACIu00d3N CIG


Fotograma do vídeo publicado pola CIG




Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress