Toda Galicia pasa a Fase 2 do desconfinamiento

O Ministro Salvador Illa confirmou que as catro provincias galegas avanzan no desconfinamiento. Ademais, segundo indicou o ministro de Sanidade en rolda de prensa sobre as 14:30 horas deste venres, en España xa non quedan ningún territorio en fase 0.

Mapa das novas zonas, as provincias en Fase 1 en azul, as provincias en Fase 2 en verde

CAMBIOS DESDE XA EN MUNICIPIOS DE MENOS DE 10.000 HABITANTES

A Fase 2 empezará o luns. Ademais, o Ministerio acaba de relaxar algunhas medidas aos municipios de menos de 10.000 habitantes que están en Fase 0 ou 1, como toda Galicia ata o luns.

Neses municipios xa non será necesario respectar as franxas horarias e todo o núcleo familiar poderá saír a pasear á vez. 

Os cambios para estes concellos xa están vixentes en toda España. Iso si, Moncloa sinala que corresponde á Xunta decidir as poboacións menores de 10.000 habitantes con liberdade horaria  

Na rolda de prensa posterior ao Consello de Ministros celebrado este venres, Illa asegurou que esta decisión baséase na "máxima do Goberno" de que "cada paso dado ha de ser un paso seguro" no proceso de desescalada.

Esta nova fase supón medidas de alivio nas restricións para a cidadanía galega, con todo o anuncio do Goberno non apunta a que se aceptou a petición da Xunta de Galicia sobre a autorización para permitir a mobilidade entre as catro provincias galegas.

De feito, a portavoz do Goberno e ministra de Facenda, María Jesús Montero, destacou na mesma rolda de prensa que "a limitación de circulación das persoas" segue sendo "clave para controlar a enfermidade". 

NOVIDADES DA FASE 2, EN VIGOR DESDE O LUNS

• En restauración, abrirase espazo interior dos locais con limitación de aforo a un terzo, garantías de separación e só para servizo de mesas.
• Aínda que o curso escolar comezará en setembro, nesta fase recóllense excepcións con tres propósitos: actividades de reforzo, garantir que os menores de seis anos poidan acudir se ambos os pais teñen que traballar presencialmente e para celebrar a EBAU.
• Continuación da caza e pesca deportiva.
• Apertura de cinemas, teatros auditorios e espazos similares con butaca preasignada e limitación de aforo dun terzo.
• Serán posibles visitas a monumentos e equipamentos culturais como salas de exposicións, salas de conferencias cun terzo do aforo habitual.
• Poderanse celebrar espectáculos culturais con menos de 50 persoas en lugares pechados cun terzo do aforo e ao aire libre serán posibles cando congreguen a menos de 400 persoas a condición de que sexa sentado.
• Os lugares de culto deberán limitar o seu aforo ao 50%.