As Comunidades Autónomas saberán se entran na Fase 1 entre o venres noite e o sábado, di Fernando Simón

|

O director do Centro de Coordinación de Alertas e Emerxencias Sanitarias do Ministerio de Sanidade, o doutor Fernando Simón, anunciou hoxe que as comunidades autónomas que cambien de Fase saberano entre o venres pola noite e o sábado. A data prevista para pasar da Fase 0 actual á Fase 1 é o próximo 11 de maio.


O director do Centro de Coordinación de Alertas e Emerxencias Sanitarias do Ministerio de Sanidade, Fernando Simón, comparece en rolda de prensa ao 7 de maio



Fernando Simón, quen deixou claro que a decisión última adoptaraa o ministro de Sanidade, Salvador Illa, explicou que haberá un informe específico de cada unha das rexións, que cre que se fará público, no que se precisen os criterios que se utilizaron e a valoración que se fixo deles no seu conxunto. Este informe terá que estar asinado, di, pola directora xeral.

Pero a capacidade de detección e seguimento dos novos contagios, así como o número de camas UCI e de camas para enfermos de coronavirus terán gran peso nestas decisións. Aínda que para cidades como Madrid, onde a mobilidade é un factor importante, tamén haberá un informe do Ministerio de Transportes.

Con todo, o doutor Simón deixou claro que os criterios serán sanitarios e non económicos, ao ser preguntado pola posibilidade de que a principal urxencia que pesou en Madrid para pedir o cambio de fase poida ser económica.

"Os criterios sanitarios para pasar de fase son sanitarios, non económicos. Os criterios económicos teraos que dar quen corresponda e teranse que valorar se pesan mais ou non que os sanitarios noutros grupos que non son aqueles en os que eu participo", remachou.

Segundo explicou, a Comunidad de Madrid non presentara aínda a petición na tarde de onte e descoñecía se o fixo esta mañá. Se o fai terán que valorar os datos e de feito, precisou que hai unha persoa específica no equipo para realizar a avaliación e a discusión interna.

Pero, en calquera caso, insistiu en que a última decisión tena que tomar o ministro, despois de ver a valoración técnica que realice o equipo de 12 persoas que está a analizar as peticións e que se realiza en "termos sanitarios", un informe que terá que ir asinado pola Directora Xeral. Aínda que engadiu que terá que haber outra avaliación técnica en termos de mobilidade que a realizará o Ministerio de Transportes.

Con todas esas avaliacións, recalcou o doutor Simón, verán se propoñen ou non que a comunidade de Madrid pase á seguinte fase.


PAÍS VASCO, NECESARIO ESTUDAR DETALLES DALGUNHAS ZONAS

O director do CCAES tamén respondeu especificamente pola situación do País Vasco, que pediu pasar xa á Fase 1 o 11 de maio. Admitiu que esta CCAA ten unha situación en xeral "relativamente boa", pero matizou que nalgúns territorios hai que valoralo con máis coidado, teniendo en cuenta "moitos detalles" que deben analizar coa citada rexión para chegar a unha posición común e ver así que zonas poden pasar á Fase 1.


En canto á posibilidade de que algunha rexión non conte cos recursos que o Ministerio está a pedir para poder pasar de Fase, o doutor Simón explicou que non ten noticia de que haxa falta de abastecemento en ningunha rexión neste momento, pero que se é necesario, de maneira puntual, o Ministerio de Sanidade proporcionará o material que se necesite.


SANIDADE PROPORCIONARÁ RECURSOS SE FALTAN PARA PASAR DE FASE

Neste sentido, admitiu que houbo un período, durante a crise, no que houbo moitas dificultades para conseguir os equipos necesarios, tanto por parte do Goberno de España, como polas CCAA e o resto de países de Europa e do mundo.

"Pero ese período foise liquidando cun esforzo moi grande dos compañeiros que se encargan de facer as subministracións", apuntou á vez que dixo non ter coñecemento das situacións puntuais que poida haber de desabastecimniento. Pero insiste en que a nivel xeral a información que comparten coas CCAA é que non hai ningún dato que indique un problema, xa que tanto as rexións como o Ministerio seguen facendo as "provisións necesarios" de material. Con todo, "se hai necesidade puntual, non creo que o Ministerio teña problemas para" fornecer o que sexa necesario.


CAMBIOS NAS FRANXAS HORARIAS

O director do CCAES recoñeceu que algunhas CCAA están a pedir cambios nas franxas horarias para realizar as saídas para pasear e a facer deporte e desvelou que está a estudarse porque quen mellor coñece o territorio son as autoridades das rexións. "As franxas horarias non poden ser igual no norte que no sur", sinalou e por tanto "o Ministerio dará alternativas". Esas alternativas reflectiranse nun informa, segundo dixo, que pasará pola súa oficina.


En canto á apertura das praias para o baño, revelou tamén que se vai a facer un informe porque "se terá que regular dalgunha maneira".

Neste sentido e ante unha pregunta sobre a influencia do vento das praias na expansión do coronavirus, explicou que deben estudalo porque pode ser incluso un factor que inflúa na menor propagación, segundo dixo xa que pode diseminar o virus e que sexa menor o risco de que outras persoas poidan inhalar unha cantidade suficiente.


INFORMES TÉCNICOS CON CRITERIOS CLAROS PERO SEN LIMIARES DEFINIDOS 

O doutor Simón sinalou que vai haber un informe técnico específico para cada CCAA no que se indicarán os obxectivos ou os criterios que cumpre e a valoración conxunta dos mesmos.

Pero precisou que "non hai un criterio único" senón que son moitos máis os que se están valorando. Compartirase coas CCAA e "nalgún momento poderase facer público".

Con todo, explica que hai uns "criterios lóxicos" que se teñen que dar para que as CCAA estean en situación de pasar de fase: a capacidade necesaria para responder no caso de que se desenvolva un novo pico da enfermidade, con camas de UCI e as dispoñibles para pacientes de coronavirus en xeral e a capacidade de detección dos casos e de seguimento dos contactos.

Neste sentido, explicou que se unha CCAA non ten casos desde hai 28 días está en posición favorable, pero se non os ten porque non fai PCRs, ese criterio xa non nos vale.

Por este motivo, sinalou que aínda que os criterios son fáciles de identificar, os limiares ou puntos de corte non se poden dar por que non os hai, senón que hai que compralos en conxunto. "Hai orientacións pero téñense que valorar en conxunto co resto dos parámetros", remachou, antes de aclarar que cada informe terá un detalle de como se valoran en conxunto.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress