Un centro para persoas discapacitadas de Betanzos confirma que unha ducia de usuarios dan positivos por coronavirus

O centro para persoas con discapacidade Pai Menni, en Betanzos (A Coruña), detectou este venres un total de 13 persoas contaxiadas do novo coronavirus, máis concretamente 12 usuarios e un traballador.

Así se desprende do balance diario emitido pola Consellería de Política Social este sábado, con datos actualizados ao venres, no que estas instalacións de Betanzos figuran por primeira vez.

Tras detectarse estes novos casos, soben de 59 a 71 os positivos entre os usuarios dos Centros de Atención a Persoas con Discapacidade (CAPD) de Galicia, co CAPD de Redondela como principal foco, con 16 usuarios infectados.

En canto aos traballadores, a cifra dos diagnosticados sitúase no total de 41. Aínda que se detectou un novo caso no centro Pai Menni de Betanzos, houbo un empregado do CAPD de Redondela que recibiu o alta, polo que os positivos no persoal destas instalacións, principal foco da Comunidade, baixaron a 15.