Policía Local e Garda Civil destapan un criadeiro clandestino con 65 cans de raza American Bully

Axentes da Policía Local de Culleredo (A Coruña) e da Garda Civil realizaron o martes unha inspección nunha nave industrial en Almeiras pola cría sen licenza de máis de 60 cans American Bully.

Segundo informa o Consistorio de Culleredo, na inspección os axentes comprobaron que o responsable se dedicaba á cría de cans da raza American Bully. Dentro da nave atopábanse enjaulados 65 animais desta raza canina de diferentes sexos e idades.

"O destino destes cans era a súa venda no mercado europeo, en especial Inglaterra", explica o Consistorio. No transcurso da inspección comprobouse tamén que carecían de autorizacións tanto autonómicas como municipais para levar a cabo esta actividade.

O dispositivo conxunto de ambos os corpos policiais deu lugar á proposta dunha decena de denuncias administrativas por presuntas infraccións graves á Lei de Lei 4/2017, do 3 de outubro, de protección e benestar dos animais de compañía en Galicia.