Panaderías, pastelerías e quioscos abertas en Venres Santo, pero non os supermercados
A Xunta fixou esta xornada como festivo para que descanse o persoal das tendas de alimentación
Os traballadores de supermercados levan semanas aguantando xornadas intesivas con pouco ou ningún descanso. A Xunta limita por vez primeira a liberdade de horarios que concedeu cando se iniciou o estado de alarma.
Segundo lembrou a Consellería de Economía, continuan con liberdade para abrir aqueles establecementos que dispoñan dunha superficie útil para a exposición e venda a público de ata 300 metros cadrados que teñan a consideración de pequena ou mediana empresa cuxa actividade comercial non se atope suspendida polo estado de alarma.
Fuentes do departamento autonómico explicaron o pasado venres a Europa Press que o Goberno galego tomou a decisión de declarar este día como non hábil como forma de "agradecer" o traballo do persoal dos supermercados e tendas de alimentación. Un sector ao que a Xunta decidiu liberalizar o horario durante o tempo que dure o estado de alarma.
Escribe o teu comentario