Para o BNG a paralización das actividades non esenciais chega tarde, pero apoia a medida
O deputado do BNG no Congreso, Néstor Rego, celebrou que o presidente do Goberno, Pedro Sánchez, "rectifique" co seu anuncio de que desde o luns paralizarase toda actividade económica que non sexa esencial con motivo da crise sanitaria do coronavirus.
Iso si, tal e como manifestou este domingo en declaracións aos medios, o nacionalista lembra que o Bloque "leva reclamando desde hai máis de 15 días" esta medida, tamén durante os dous plenos que houbo no Congreso, polo que considera que chega tarde.
"Alegrámonos de que o Goberno rectifique, pero parécenos unha pena que esta decisión non fose adoptada hai 15 días cando contribuiría bastante máis a romper a cadea de contagios que se puido producir nos centros de traballo", manifestou.
Ademais, Néstor Rego expresou o seu "preocupción" coa decisión de que os empregados recuperen o tempo non traballado cando pase o estado de alarma. "Non é xusto que as consecuencias desta crise sanitaria e social páguenas en exclusiva os traballadores", criticou.
Escribe o teu comentario