Dúas toneladas e media de cocaína requisadas nunha operación antidroga na ría de Arousa

Dúas persoas foron detidas no marco dunha operación antidroga desenvolvida na madrugada deste sábado na ría de Arousa na que foron intervidas 2,5 toneladas de cocaína que viaxaban en dúas planadoras para o seu desembarco en terra.

Así o confirman fontes policiais consultadas por Europa Press, que sinalan que continúa aberta a operación desenvolvida conxuntamente pola Garda Civil, a Policía Nacional e Aduanas.

O dispositivo despregouse por terra e por mar ao longo de toda a madrugada do venres ao sábado co resultado de varias persoas detidas nunha operación sobre a que permanece decretado o secreto de sumario.

Segundo fontes da Delegación do Goberno, a cantidade de droga intervida é de, polo menos, 2,5 toneladas de cocaína que era transportada en dúas embarcacións.