Naturgy ofrece telemedicina gratuíta para máis dun millón de clientes en Galicia durante a crise do coronvirus

|

Naturgy facilitará aos seus clientes atención médica gratuíta mediante videollamada durante estes meses, co obxectivo de que os cidadáns poidan facer consultas de saúde sen necesidade de saír de casa, informou a enerxética.


Edificio de Naturgy.


En concreto, este servizo estará ao dispor de todos os clientes da compañía, que ascenden a preto de sete millóns de fogares, dos que máis dun millón están en Galicia.

Para acceder, os usuarios deberán rexistrarse na súa área privada na web da empresa. No caso de clientes non rexistrados, serán informados das instrucións de rexistro previo para o seu acceso ao servizo.

As consultas poderán realizarse todos os días da semana, as 24 horas do día, mediante chamada telefónica, páxina web ou aplicación online.

Ademais, este servizo inclúe información médica de primeiras actuacións en casos de emerxencia, medicación e posología para pediatría e medicina xeral. En caso de emerxencia, avisarase ao servizo 112 para envío de ambulancia no territorio nacional.

O director xeral de Gas & Power de Naturgy, Manuel Fernández, destacou que neste momento de emerxencia sanitaria "a asistencia médica convértese, se cabe, nun valor máis fundamental".


Por iso, subliñou que en Naturgy "non cesan no noso traballo e iniciativas ao servizo da sociedade que dean resposta ás necesidades destes momentos conxunturais de alta incerteza e dificultades como o actual".



OUTRAS INICIATIVAS PARA FACER FRONTE Á CRISE

Esta medida súmase á subministración de electricidade e gas de maneira gratuíta aos hoteis e residencias que cedan as súas instalacións á sanidade pública.


A compañía presidida por Francisco Reynés tamén aprazou o pago de facturas a pemes e autónomos e protexe aos colectivos vulnerables.

Así mesmo, o grupo segue tendo activado o seu servizo de atención de urxencias domiciliarias para reparar caldeiras ou frigoríficos, entre outros aparellos, acudindo en menos de tres horas.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress