​Dúas mortes por coronavirus en Italia acenden todas as alarmas en Europa

As autoridades sanitarias italianas confirman os dous primeiros falecementos no país transalpino por mor da enfermidade, con máis de 200 persoas en corentena.

Ademais das persoas que están a ser sometidas a un exhaustivo control para saber se padecen a enfermidade, hai máis de 35.000 cidadáns que están chamados a permanecer nas súas casas nunha medida do Goberno italiano para tentar conter o virus no norte do país.

"Non debemos sementar o pánico, pero temos que facer entender á xente que as medidas que se tomaron son esenciais para o ben da comunidade", sinalou Attilio Fontana, Presidente de Lombardía.

Segue lendo a noticia en Catalunyapress.