Jácome naceu "para ser alcalde imbécil" di o seu partido, Democracia Ourensá

Democracia Ourensá meteuse onte nun barulloao tratar de sacar peito por unha resolución xudicial e ao mesmo tempo non molestar ao condenado, a Deputación do seu actual socio José Manuel Baltar (PP).

O TSXG ratificou a sentenza que declara nula a compra do arquivo do xornal A Rexión de Ourense. Baltar gastouse en comprar o arquivo do xornal local 2,7 millóns de euros públicos.

Jácome e Baltar a pasada semana

O máis curioso do asunto é que foi Democracia Ourensa quen inicialmente denunciou a operación nos xulgado hai varios anos, cando aparentaba ser o archienemigo do baltarismo. Hoxe é Democracia Ourensá quen mantén a Baltar na cadeira da Deputación, a cambio de que o PP entregara a Jácome o bastón de mando municipal.

Tras a noticia, os localistas déronse a si mesmos o parabéns en Twitter porque "La Región deberá devolver 2.700.000 euros pola fraudulenta venda do arquivo histórico á Deputación".  "Para cousas como as de hoxe, naceu Democracia Ourensá", remachou orgulloso Jácome na súa conta persoal.

Cando un internauta lle respondeu a Jácome expoñendo a contradición de alegrarse por unha sentenza que deixa en evidencia ao seu socio Baltar, nin curto nin preguiceiro Democracia Ourensá replicó cun sorprendente "para ser alcalde imbécil".

Pódese intuír que á frase fáltalle unha coma, e que Democracia Ourensá non estáa chamar imbécil a Jácome, senón simplemente insultando a o internauta que cuestionou se o partido "tamén naceu para pactar co PP?".

A cousa non quedo así e a conta de Democracia Ourensá seguiu defendiendose deixando outras perlas, como criticar ao PSOE por non apoiar no seu día denuncia; no canto de criticar ao PP por adxudicar 2,7 millóns ao líder de opinión na provincia de maneira irregular.