Navantia Ferrol perde a reparación do petroleiro que encallou, que acabará na chatarra

O dono, un magnate turco oculto detrás dunha maraña de sociedades en paraísos fiscais, opta por despezar o Blue Star no seu país antes que pagar ao estaleiro público español

O buque 'Blue Star', que permanece desde mediados do mes de decembro nun dos diques de Navantia Ferrol, abandonará nos próximos días estas instalacións, tras decidir o seu armador non executar a reparación.

O barco, que encallou na costa de Ares (A Coruña) o pasado 23 de novembro, foi sometido a unha serie de obras de emerxencia no seu casco e agora a intención é que abandone á menor brevidade o estaleiro ferrolán para quedar atracado nun dos peiraos de Ferrol antes de emprender viaxe facía Turquía, onde, segundo fontes consultas por Europa Press, tampouco será reparado, senón despezado.

Estas mesmas fontes aseguraron que o armador tomou esta decisión debido ao alto custo da reparación, polo que agora abandona as instalacións do estaleiro público para non ter que pagar pola estación do buque no dique. E, por iso, atracalo de maneira temporal nun dos peiraos de Ferrol, mentres se xestiona o seu remolque ata o país de destino, onde será reducido a chatarra.