Luz verde da Comisión Europea ao Estatuto da Industria Electrointesiva, clave para salvar Alcoa San Cibrao
Así o anunciou o Secretario Xeral de Industria, segundo fontes sindicais de Alcoa San Cibrao.Desde o comité de empresa da fábrica de Cervo cren que, unha vez superado este trámite, o Goberno ten, por fin, todo listo para aprobalo definitivamente no Consello de Ministros da próxima semana.Con todo, os traballadores son cautos.
A Comisión Europea deu luz verde ao novo Estatuto da Industria Electrointensiva proposto por España. Así o anunciou o Secretario Xeral de Industria Raül Blanco Díaz, segundo fontes sindicais de Alcoa San Cibrao.
Unha pasada protesta de traballadores de varias industrias electrointensivas na Coruña
Desde o comité de empresa da fábrica de Cervo cren que, unha vez superado este trámite, o Goberno ten, por fin, todo listo para aprobalo definitivamente no Consello de Ministros, esperan que sexa o da próxima semana.
Con todo, os traballadores son cautos. Antonio Zan, presidente do Comité, declarou a RNE que non ocrerán de todo "ata que o vexamos", dado que non teñen aínda comunicación oficial.
SEGUEN AS MOBILIZACIÓNS
Por iso, seguen adiante coa súa campaña de presión. Para a semana, teñen previsto colgar lazos azul eléctrico de escaparates de comercios e edificios públicos da comarca.
O Estatuto é clave para a supervivencia da fábrica, principal empregador da provincia de Lugo e case único motor económico da Mariña. A americana Alcoa leva meses advertindo que, como fixo xa coas fábricas da Coruña e Avilés, pode desfacerse de lsa factorías se non consegue un mellor prezo para a electricidade.
Da aprobación do Estatuto tamén dependen outras importantes empresas galegas, como a antiga fábrica de Alcoa na Coruña, hoxe propiedade do fondo suízo Parter; Celsa Atlantic da Laracha, Megasa, Ferroglobe de Sabón e Ferroatlántica de Cee.
(HABERÁ AMPLIACIÓN)
Escribe o teu comentario