A versión orixinal subtitulada ábrese paso "de forma regular" nos cinemas da Coruña

Cinesa apostará pola versión orixinal desde este venres "de forma regular" en dez cinemas de todo o Estado --entre eles os do centro comercial Marineda, na Coruña--, informou nun comunicado a compañía este xoves.

Ás sesións VOSE que Cinesa ten os martes pola noite e matinais de fin de semana --que se manteñen no centro comercial das Cancelas, en Santiago--, agora suma unha aposta por salas Cinesa VOSE, coas que unha selección de cinemas --como A Coruña-- dedicará varias salas para emitir exclusivamente contido en versión orixinal subtitulada en español: todas as sesións, cada día da semana, e incluíndo as películas máis vistas do momento.

Grazas a esta iniciativa, dez cinemas Cinesa situados en diferentes cidades españolas, contarán con varias salas en exclusiva con contidos na súa lingua orixinal, combinando esta oferta con sesións dobradas no resto dos seus espazos.

Ademais, outros 10 cinemas manterán as sesións VOSE, programadas cada semana en horarios de martes pola tarde-noite e fins de semana pola mañá.

Con esta decisión, a compañía quixo dar resposta á "crecente demanda" por parte dos espectadores de poder gozar das películas máis taquilleras mantendo o seu idioma de procedencia.