Ameazas dos cazadores de raposos aos animalistas: "Non me graves que che comes a escopeta"

|

Libera enviarán gravacións ao Consello Superior de Deportes (CSD) de "ameazas" de cazadores participantes na caza de raposos celebrada a pasada fin de semana en Triacastela e Láncara (Lugo), así como de "incumprimentos" da lei de caza.


Imaxe dun cazador

Cazadores en Galicia


Nun vídeo gravado por estes animalistas pódese escoitar a un dos cazadores dicirlles aos activistas: "Non me graves que che comes a escopeta".

Nun comunicado, Libera sinala que se opón a estes "pseudocampeonatos" de caza de raposos, así como que sexan considerados como "deporte". Por iso, vai trasladar este e outros vídeos ao CSD, xa que "se isto é unha actividade deportiva, deben estar sometidos a toda a xurisdición sectorial, tamén sobre prevención de actitudes violentas".


IRREGULARIDADES

Así mesmo, Libera asegura que recompilou información sobre supostas irregularidades como "cazadores a menos de 100 metros de vivendas habitadas", así como cans "cruzando unha estrada sen control algún" .

A este respecto, os animalistas recriminan que a Xunta "non se puxo as pilas para endurecer normativamente a actividade ou, nin sequera, para cumprir o establecido na actual lei", despois que houbese "dezaseis persoas falecidas como consecuencia da caza na última década en Galicia".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress