(VÍDEO) Bombeiros de Ourense e Viaqua rescatan a tres cachorros atrapados nunha tubaxe de auga

|

O complicado operativo para salvar a vida dos cachorros  tivo un final feliz grazas á cooperación entre os Bombeiros de Ourense, a compañía Viaqua e a cidadanía.


Cachorrito sumidoiro

Un dos cachorros atrapados


A crueldade humana non ten límites e un bo exemplo diso son os casos de malos tratos animais que día si día tamén enchen os informativos e portadas dos diarios. Afortunadamente, a bondade humana ás veces tamén parece infinita, e é esta a que logrou rescatar e evitar a morte de tres cachorros maltratados e atrapados nunha tubaxe de Ourense grazas aos Bombeiros de Ourense, a compañía Viaqua e a cidadanía.



A pesar do complicado do operativo, xa que os animais atopábanse "atrapados nun tramo de 18 metros das tubaxes da auga", afortunadamente o desenlace tivo un final feliz. "O venres os nosos compañeiros tiveron unha desas intervencións con final feliz, que foi o rescate de 3 cachorritos", comunicaron os bombeiros.


Cachorros

Bombeiros cos cachorros rescatados


Nese sentido, os rescatadores tamén puxeron o valor a axuda de Viaqua e os seus empregados " que co seu cámara, os nosos compañeiros puideron saber o punto exacto onde se atopaban estes peques".


"NON MÁIS MALOS TRATOS ANIMAIS"

"Non sabemos con exactitude como foron a parar aí, pero en caso que alguén os deixase á súa sorte, desde aquí queremos condenar este acto, e en xeral calquera tipo de malos tratos animais", condenan desde o servizo de bombeiros.


Desde Viaqua en cambio son máis contundentes. Segundo a empresa, encargada da inspección das canles, os animais foron arroxados "nunha tubaxe de Santa Cruz de Arrabaldo". Por iso, ademais de poñer en valor o labor dos bombeiros e da Protectora de cans e gatos de Ourense (Progape) -que localizou ao resto da camada e a outro cachorrito arroxado nun contedor-, quixo facer un chamamento para "non atopar máis situacións así".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress