Ana Pontón (BNG) ingresa no Hospital de Santiago para dar a luz
A candidata á Xunta polo Bloque ingresa nun hospital do SERGAS para dar a luz a unha nena, que se chamará Icía
Tal e como confirmaron a Europa Press fontes da formación, "todo vai ben". Pontón tiña previsto entrevistarse con representantes de asociacións de transportistas este mesmo martes, pero finalmente acudiu á reunión o deputado do Bloque no Congreso, Néstor Rego, en solitario.
A portavoz nacional do BNG fixo público o seu embarazo para mediados do pasado mes de setembro a través a súa conta de Twitter. "Hai momentos na vida emocionantes e cheos de alegría. Estou a vivir un deles. En poucos meses seremos unha máis na familia. Estou embarazada de dezaoitos semanas!! Non podía ser máis feliz", escribiu entón na rede social.
Precisamente, o ingreso de Pontón no Clínico de Santiago prodúcese tan só dous días despois da súa presentación oficial como candidata á Presidencia da Xunta para as eleccións previstas, salvo adianto, para o próximo outono.
Escribe o teu comentario