O Sergas promete que reabrirá o paritorio que pechou en Verín pero aínda non atopou pediatras

|

A Xunta insiste agora en que o problema é de fondo, a falta de pediatras tanto a nivel galego, español como europeo


O Servizo Galego de Saúde (Sergas) asegura que traballa para cubrir as prazas de pediatras vacantes que permitan reabrir o paritorio do Hospital de Verín (Ourense) "dentro dunha situación de dificultade de falta de profesionais" desta especialidade.


O xerente do Sergas, Antonio Fernández-Campa

O xerente do SERGAS


Así o manifestou o xerente do Sergas, Antonio Fernández-Campa, tras ser preguntado este venres na rolda de prensa de balance das listas de espera, por como se traballa para paliar a falta de pediatras e cubrir as prazas vacantes desta especialidade co fin de reabrir o paritorio de Verín e a situación de centros de saúde como o da Baña (A Coruña).

"O problema de falta de especialistas é de Galicia e de todo o Sistema Nacional de Saúde e de Europa", explicou o xerente do Sergas, quen concretou que no caso da Baña "mantense o sistema" coa mesma cantidade de profesionais, á vez que apuntou que hai centros próximos como o de Negreira.

Mentres, no caso concreto de Verín sinalou que a xerente da zona traballa para a reapertura do paritorio. "Para nós o máis importante é a seguridade das nais e nenos", insistiu.

Preguntado sobre se buscan pediatras fose de Galicia para reabrir ese servizo en Verín, o xerente do Sergas puntualizou que entrevistan "persoas que se poidan interesar nesas coberturas", á vez que lembrou que "a demanda de profesionais non só é en Galicia".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress