​José Manuel Rodríguez Uribes releva a Guirao como ministro de Cultura e Deportes

O valenciano Rodríguez Uribes, con percorrido na política madrileña e un dos homes de confianza de Sánchez, asume a carteira de Cultura e Deportes.

O de Rodríguez Uribes é o último nome que saíu no constante goteo de confirmacións que vén facendo a Moncloa nos últimos días.

Co ministro de Cultura no día de hoxe tamén se deu a coñecer a persoa que estará ao mando do Ministerio de Política Territorial: Carolina Darias. Este nomeamento equilibra aínda máis a balanza en canto a sexos no executivo de Sánchez, con 11 homes e 11 mulleres confirmados ata o momento.

Agora queda a dúbida de saber quen asumirá a dirección do Ministerio de Xustiza, tendo en conta que Dores Delgado non repetirá no cargo. Juan Carlos Campo, Grabriela Bravo e Ana Ferrer son os nomes que soan con máis forza para esa carteira.

Segue lendo a noticia en Catalunyapress.