Dimite o xerente do SERGAS que defendeu que pechar o paritorio de Verín era unha mellora para o rural

Feijóo vendeu o peche como algo imprescindible para garantir a seguridade dos bebés. O xerente do SERGAS en Ourense chegou a dicir que era unha vantaxe para as mulleres do rural. Agora que a Feijóo trata de reabrilo, tras unha enorme presión social, Miguel Abad queda, evidentemente, desautorizado. Márchase, iso si, sen polémicas, de "mútuo acordo". 

Unha menor nunha das numerosas protestas contra o peche do paritorio de Verín

O xerente do Hospital de Verín (Ourense), Miguel Abad, deixou este venres o seu cargo "de mutuo acordo" co Servizo Galego de Saúde por "motivos estritamente persoais", segundo confirmaron a Europa Press fontes da Consellería de Sanidade.

A dimisión de Abad chega tras o peche do paritorio do hospital galego pola falta de persoal. Ao principio a Xunta alegou que era porque non había partos suficientes, polo que os equiperdían práctica e non se garantía a seguridade de nais e bebés. As dúas prazas de pediatría quedaran desertas no verán, e a reapertura estaba á espera de que finalizase a convocatoria de persoal, lanzada este decembro tras a onda de protestas.

Leste mesmo venres, o Diario Oficial de Galicia certificou a saída de Abad coa convocatoria pública dunha praza de director para o distrito sanitario de Verín. Fuentes da Xunta apuntaron que o período para a presentación de candidatos é de cinco días. Abad ocupara o mesmo cargo en Vigo, tamén con polémica.

A controversia que rodeara ao centro hospitalario desatouse tras a decisión da Consellería de Sanidade de pechar o paritorio para garantir a seguridade das nais e dos bebés, en contra dos que alertaban dos riscos de someter a unha embarazada a piques de dar a luz a desprazamentos de "unha hora ou máis en coche".

ONDE DIXEN DIGO, DIGO DIEGO

Pola súa banda, o presidente da Xunta, Alberto Núñez Feijóo, garantiu este luns que o paritorio abrirá "en 24 horas" no momento en que haxa pediatras para atender aos recentemente nados e cóntese co "visto e prace" da profesionais da área na materia. O líder do PP cambia así de criterio, pois durante polo menos unha semana dixo que era imposible reabrir o paritorio de acordo a criterios de seguridade médica.

"Imos seguir o ditame médico", dixo Núñez Feijóo, que asegurou que, no momento en que haxa pediatras e cóntese co "visto e prace" da profesionais da área na materia, "ese paritorio ábrese en 24 horas". "Se non hai pediatras, abrilo sería tanto como dicirlle ás mulleres que poden ir parir a Verín, pero que aos seus nenos non imos atendelos no momento do parto", indicou Feijóo.

O problema de fondo é a falta de peditras dispostos a traballar temporalmente no SERGAS. As carencias de Verín vívenas familias doutras moitas áreas do rural, Ferrolterra por exemplo. A Xunta culpa ao Estado, por non ampliar as prazas MIR; sindicatos e oposición culpan á Xunta, por ofrecer condicións precarias que animan a emigrar aos novos pediatras galegos.